Хаартыска уонна видео -- Елена Потоцкая
Амма улууһугар 17-с Олоҥхо ыһыаҕа үрдүк таһымнаахтык ыытыллан түмүктэннэ.
Эһиил 18-с төгүлүн ыытыллар Олоҥхо ыһыаҕын бэлэмниэхтээх Нерюнгри оройуонун баһылыга Роман Щегельняк Ытык Дуоҕаны Амма улууһун баһылыга Степан Кузьминтан үөрүүлээх быһыыга-майгыга тутта. Мин оройуон дэлэгээссийэтэ үөрүүлээх тэрээһин сүрүн түһүлгэтигэр киирээри турдаҕына, таас чоҕу хостуур бырамыысаланнас киин оройуонун баһылыгын көрсөн кэпсэппитим.
Роман Михайлович «эһиилги Олоҥхо ыһыаҕын көрсүүгэ номнуо араас хайысхалаах үлэни ыытан эрэбит» диэн киэн тутта кэпсээбитэ:
Нерюнгри дэлэгээссийэтэ Олоҥхо ыһыаҕын сабыллыытыгар Ытык дуоҕаны ылан баран, Амма улууһун өрөгөй ырыатын кэриэтэ буолбут «Кыыс Амма» ырыаны наһаа истиҥник толордо.
Ырыаны баһылык Роман Щегельняк бэйэтинэн таһааран, ыһыах дьонун олус долгутта.
Нерюнгригэ эһиил тэриллибитэ 40 сылын туолар «Саха аймах» уопсастыбаннай тэрилтэтин салайааччыта Ирина Кузьмина «оройуоммутугар сахалар аҕыйахпыт — 2,5 тыһыынча киһи баар», — диэн бэлиэтээтэ. Ол да буоллар, бу тэрилтэ олус тэрээһиннээхтик уонна тахсыылаахтык үлэлии сылдьарын үгүстүк истэ-билэ сылдьабыт. Барытыгар көхтөөх уопсастыбаннай тэрилтэ Олоҥхо ыһыаҕар анаан кэлэн кыттан, бырамысаланнай оройуоҥҥа араас омук дьоно олус сомоҕолоһуулаахтарын көрдөрдө. «Саха аймах» үлэтин туһунан Ирина Ильинична салгыы маннык кэпсээтэ:
Дьэ, онон быйылгы ыһыахчыттар «эһиил аны Нерюнгри оройуонун «Таастаах» диэн ытык сиригэр Олоҥхо ыһыаҕар көрсүөхпүт!» диэн Кыыс Амма сириттэн үөрэн-көтөн айаннаатылар.
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…