«Эхо тундры и тайги» — ырыаһыттар түһүлгэлэрэ

Соторутааҕыта «Эхо тундры и тайги» диэн бэртээхэй күрэс ыытылынна. Бу туһунан А.Е.Кулаковскай-Өксөкүлээх Өлөксөй аатынан норуоттар доҕордоһууларын дьиэтин пресс-сулууспатыттан иһитиннэрдилэр.

Саха сирин аҕыйах ахсааннаах төрүт олохтоох норуоттарын  VIII сийиэһин иитинэн,  «Эхо тундры и тайги-2023» эрэгийиэннэр икки ардыларынааҕы XI бэстибээл-куонкурус буолла. Бу тэрээһин сыллата далааһыннанан иһэр. Күөн күрэскэ Саха сириттэн, Сибииртэн уонна Уһук Илинтэн кытыннылар.

Тэрээһиҥҥэ Москваттан этно-ырыаһыт Олит Тевлянаут ыалдьыттаата. Кини бу ураты тэрээһиҥҥэ ыҥыран ыалдьыттаппыттарыгар махтанна. «Мин дьүүллүүр сүбэҕэ олорон күрэстэһээччилэри иһиттим, сыаналаатым уонна маастар-кылаас ыыттым. Бэстибээл хас биирдии кыттааччыта ураты талааннааҕын бэлиэтии көрдүм«, — диэн этэр. Дьүүллүүр сүбэ бэрэссэдээтэлэ — СӨ култууратын үтүөлээх үлэһитэ, «Гражданскай килбиэн» бэлиэ хаһаайына Владимир Индигирскэй.

«Эхо тундры и тайги» эрэгийиэннэр икки ардыларынааҕы бэстибээл-куонкурус түмүгэ таҕыста. Ол курдук, дьүкээгир ырыатын толорооччуларга:

1 истиэпэннээх лауреатынан Станислав уонна Назар Дускуловтар (Дьокуускай) буоллулар. 2 истиэпэннээх лауреатынан  Елена Воронцова (Дьокуускай)ааттанна. 3 истиэпэннээх лауреат аатын Ольга уоннаМария Буханцовалар (Аллара Халыма) ыллылар. Дьүкээгир бэйиэтэ, драматура Г.А.Дьячков  аатынан дипломунан Николай Владимирович Дьячков (Үөһээ Халыма) наҕараадаланна.

Чукотскай ырыалары толорууга, «Ярар» Чукотка фольклорнай ансаамбылын бастакы салайааччыта Анна Дмитриевна Неустроева аатынан бириэмийэ кыайыылааҕынан Виктор Тынаургин (Аллараа Халыма) буолла.

Долган ырыаларын толорууга: 1 истиэпэннээх лауреатынан «Надежда Севера» номинацияҕа кыайыылааҕынан таҕыста — Катя Путятина (Дьокуускай). Долган ырыаларын толорооччу Спиридон Иванович Туприн аатынан биримийэ дипломана — Константин Спиридонов (Анаабыр).

Маны сэргэ, хоту олохсуйбут нууччалыы былыргы ырыалары толорууга, Вениамин Гаврилович Чикачев аатынан бириэмийэ дипломун Александр Солдатов (Аллайыаха) тутта.

Эбэҥки ырыатын толорууга: 1 истиэпэннээх лауреат аатын Валентина Соломонова (Өлөөн) ылла. 2 истиэпэннээх лауреатынан «Меван дуквар давлавур» ансаамбыл (Дьокуускай) буолла. Эмиэ 2 истиэпэннээх лауреат аатын  Ярослав Бобухов (Эдьигээн) ылла. 3 истиэпэннээх лауреат — Майя Игоревна Черепанова (Улан-Удэ). «За увековечивание эвенкийского песенного творчества» номинация дипломунан «Эдьигэн һокто» (Эдьигээн) наҕараадаланна. Эбэҥки ырыаһыта Надежда Докалова аатынан диплому «Үрэн хоһуун» этно-трио (Өлөөн) тутта. «За яркое и содержательное воплощение темы» дьүүллүүр сүбэ бирииһэ Евгения Балаганчикка (Орто Халыма) туттарылынна.

Эбээн ырыатын толорууга: 1 ист.лауреатынан Надежда Николаевна Варламова (Дьокуускай) буолла. Оттон 2 ист. лауреатынан Нарыйаана Анатольевна Колесованы (Эбээн Бытантай) ааттаатылар. 3 ист. лауреат – Станислав Степанович Самойлов (Эбээн Бытантай).

Номинацияларынан дипломнар туттарылыннылар. Ол курдук «Дебют конкурса» — Эркин, Харысхан Тимофеевтар (Дьокуускай), «За верность наследию предков» – Татьяна Анатольевна Жиркова (Дьокуускай), «За сценический образ» — «Нонап» бөлөх (Кэбээйи), «За возрождение песенного наследия Арктики» — «Дьүкээбил» ансаамбыл (Дьокуускай), «За увековечивание эвенского песенного творчества» — «Хэку» ансаамбыл (Муома), «Хранитель традиции» — «Эгден Мола» ансаамбыл (Муома).  Эбээн бэйиэтэ, мелодиһа, ырыаһыта, табаһыт Андрей Громов -Агди аатынан  диплому Валентин Слепцов тутта (Кэбээйи).

Гран-при үрдүк аатын дохсун ытыс тыаһыгар доҕуһуоллатан Томпоттон кыттыбыт Альберт Никитиҥҥэ туттардылар. Альберт Дмитриевич С.А.Зверев-Кыыл Уола аатынан СӨ үҥкүү национальнай тыйаатырыгар балет солиһа.

Хаартыскаларга Айталина Аргунова түһэриилэрэ