Бүгүн аан бастаан ыытыллыбыт «ЭЙГЭ-2022» 10 мөлүйүөн солкуобай бириэмийэтин Муҥутуур кыайыылааҕынан (Гран при) Горнай улууһун Бэрдьигэстээх сэлиэнньэтэ буолла.
— 2022 сылга норуодунай суруйааччы Софрон Данилов төрөөбүтэ 100, норуодунай бэйиэт Семен Данилов төрөөбүтэ 105 сылларын туоллулар. Биһиги бу бэлиэ үбүлүөйдэринэн 2023 сылга Даниловтар искибиэрдэрин тутарга былааннаабыппыт. Бириэмийэбитин бу кэскиллээх тутууга аныахпыт. Эбийиэкпитин тутуохтаах сирбит кырдьаҕастар социальнай дьиэлэрин аттыгар буолан, искибиэр ытык дьоммут сынньаналларыгар, дьаарбайалларыгар табыгастаах буолуоҕа. Бу бириэмийэни ким ылара биллибэт буолан, таайтарыылаах этэ. Нам, Сунтаар улуустара эмиэ кыайыахтарын сөп курдуктара. Бу улуустарга аныгы тутуу арааһа ыытылынна. Онон Горнай улууһун киинэ суолталаах наҕараадаҕа тиксиитэ — улууспут олохтоохторун, олохтоох дьаһалталарбыт кыахтаах хамаандаларын уопсай кыайыыта, — диэн санаатын үллэһиннэ улуус баһылыга Никита Андреев.
Горнай улууһа «ЭЙГЭ-2022» бириэмийэҕэ барыта 23 сайаапканы киллэрбит! Онтон 7 эбийиэк 100 бастыҥ эбийиэк испииһэгэр киирбит, икки улахан эбийиэк — Маҕарас нэһилиэгин мини-паарката уонна Бэрдьигэстээх сэлиэнньэтин дизайн-кода номинация кыайыылаахтарынан буоллулар уонна… 10 мөлүйүөн солкуобай бириэмийэ!
Горнайдары эрэллээх кыайыыларынан эҕэрдэлиибит!
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…