Хаартыска Варвара Максимова тиксэриитэ
2024 сыл тохсунньу 6-7 күннэригэр КНР Цицикар куоратыгар 4-с норуоттар икки ардыларынааҕы «Снежный журавль» бэстибээл-күрэс ыытылынна.
Бэстибээлгэ Саха сириттэн уонна Китай Норуодунай Өрөспүүбүлүкэтиттэн уопсайа 300-чэ араас саастаах оҕо кытынна. Саха сириттэн бэстибээлгэ 90 оҕо тиийдэ. Ол иһигэр Дьокуускай куорат 1-кы №-дээх орто оскуолатын 6-с «Б» кылааһын үөрэнээччилэрин «Эйгэ» үҥкүү ансаамбыла чаҕылхайдык кытынна.
Талааннаах хореограф Айталина Киприянова салайааччылаах «Эйгэ» үҥкүү ансаамбылыгар 26 оҕо дьарыктанар, кинилэр «Эҕэрдэ үҥкүүтэ» саха норуотун төрүт үҥкүүтүн толорон көрөөччүлэр биһирэбиллэрин ыллылар. Биһиги оҕолорбут толорор нүөмэрдэрин кэмигэр ураты эйгэни үөскэтэр Саха сирин кэрэ айылҕата көрдөрүллэн, ураты эйгэни биэрдэ.
Эдэр үҥкүүһүттэр толорууларын көрөөччүлэргэ улаханнык биһирээтилэр, онон «Хореография» хайысхаҕа Гран-при хаһаайыттарынан буоллулар. Кытай көрөөччүлэрин итиччэ элбэх кыттааччы биир кылаас оҕолоро буолалларынкөрөн олус соһуйдулар, бу оҕолор биир санаалаахтарын уонна талааннаахтарын туоһулуур.
Ансаамбыл оҕолорун кылааһын салайааччыта Мария Николаева үөрэнээччилэригэр олус кыһаллан өйөөтө, оттон төрөппүт Валентина Протопопова көмөтүнэн оҕолор көстүүмнэрэ бэркэ киэргэтилиннэ. Бу ансаамбыл норуоттар икки ардыларынааҕы таһымҥа Саха сирин култуурунай баайын, үгэстэрин көрдөрөн, Дьокуускай куорат киэн туттуутунан буолла.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…