Бүгүн Новосибирскай куоракка Арассыыйа Тымныы оҕонньотторун Бастакы сийиэһэ саҕаланна.
Тымныы оҕонньоттор 11-с сылын Арассыыйа бөдөҥ куораттарынан сылдьан Саҥа дьылы көҕүлүүр тэрээһиннэри ыыталлар эбит. Быйылгы киин куоратынан Новосибирскай куорат талыллыбыт. Саҥа дьыл эһиилги киин куората — Суздаль.
Быйыл Бастакы сийиэһи тэрийэр буолан, Саха сириттэн Чысхааны ыҥырбыттар. Суолталаах тэрээһиҥҥэ Арассыыйа бары эрэгийиэннэриттэн Саҥа дьыллааҕы үөрүүнү тарҕатар остуоруйа саамай кылаабынай дьоруойдара муһуннулар. Саха сириттэн Тымныы полюһа Өймөкөөн Тымныытын хаһаайына Чысхааны ханна тиийбит сиригэр ытыс тыаһынан көрсөллөр.
Соторутааҕыта -60 кыраадыс тымныыны төрөөбүт Өймөкөөнүгэр аҕалбыт буолан, Тымныы хаһаайыныттан куттаныа эбиттэр да, сылаас кыһыннаах дьон Чысхааны эккирэтэ сылдьан уруйдууллар-айхаллыыллар. Ол туоһута — бүгүн Первомайскай ыстаансыйаҕа көрсүү.
Күнүс Тымныы оҕонньоттор Новосибирскай куорат мээрин кытта көрүстүлэр. Киэһэ Саҥа дьыллааҕы остуоруйа дьоруойдара Великай Устюгтан кэлбит Арассыыйа кылаабынай Тымныы Оҕонньорун кытта Новосибирскай куорат кылаабынай уулуссатын устун сэлэлээн хааман тиийэн, Тыйаатыр искибиэригэр турар куорат Сүрүн Харыйатын тула Бүтүн Арассыыйатааҕы Тымныы Оҕонньоттор хоробуоттарын тэрийиэхтэрэ.
Сарсын, ахсынньы 23 күнүгэр, Р. А. Шило аатынан Новосибирскай куорат зоопаркатыгар Арассыыйа Тымныы Оҕонньорун Резиденциятын арыйыахтара. Бу күннэргэ Новосибирскай куоракка Саҥа дьыллааҕы бэстибээллэр уонна куонкурустар ыытыллыахтара, онно күндү ыалдьыттарынан Арассыыйа Тымныы оҕонньотторо буолуохтара.
Тымныы оҕонньоттор Бүтүн Арассыыйатааҕы Бастакы сийиэстэрэ өрөбүлгэ, ахсынньы 25 күнүгэр, түмүктэниэҕэ.
Бүгүн Ил Дархан Айсен Николаев Бырабыытылыстыба уонна дьаһалта былаанныыр мунньаҕар федеральнай уонна стратегическай көҕүлээһиннэри олоххо…
Сиргэ кэнники үс ый иһигэр саамай күүстээх магнитнай буурҕа түстэ, ол күүһэ G3 баалга чугаһаата.…
Сунтаар улууһугар "Биир ньыгыл Арассыыйа" баартыйаттан турбут А.В.Григорьев баһылыгынан талылынна. Биир дойдулаахтара кини үлэтин үрдүктүк…
“Проверено на себе” диэн билиҥҥи угуйук саха майгытыгар сүрдээҕин сөп түбэһэр эбит. Тоҕо диэтэххэ кини барытын…
Үөрэх эйгэтигэр анал байыаннай эпэрээссийэ кыттыылаахтарын оҕолорун өйөбүл өрөспүүбүлүкэҕэ сүрүн соругунан буолар. Бүгүҥҥү күҥҥэ байыаннай…
Дьокуускай куорат баһылыга Евгений Григорьев суруналыыстары кытары көрсүһүүтүгэр киин куорат тырааныспарын инфраструктуратын тупсарыыга былааннарын туһунан…