Хаартысканы Дьокуускай куоракка байыаннай сулууспаҕа сүүмэрдиир пуун тиксэрдэ
Бүгүн, муус устар 19 күнүгэр, Дьокуускай куоракка байыаннай сулууспаҕа сүүмэрдиир пууҥҥа сарсыарда 9 чааска өрөспүүбүлүкэ байыаннай хамыһаара Александр Авдонин Өймөкөөн улууһуттан байыаннай дьайыы кытыылааҕар Михаил Охлопковка байыаннай эпэрээссийэ кэмигэр ураты хорсун дьоруойдуу быһыытын иһин Жуков мэтээлин үөрүүлээх быһыыга-майгыга туттарда.
Аҕа дойду сэриитин кэмигэр аатырбыт улуу маршал, полководец Георгий Константинович Жуков аатынан мэтээл уйан-хатан биллэр уустук бойобуой киирсиилэргэ уһулуччу хорсун быһыыны оҥорбут байыаннайдарга тиксэр улахан суолталаах наҕараада. Хоту дойду хоодуота аармыйаҕа сулууспатын кэннэ хантарааҕынан салгыы сулууспалыы хаалбытын, ол сылдьан байыаннай эпэрээссийэҕэ кыттыбытын, дойдутугар кэлэн сыл кэриҥэ буолан баран, быйыл иккис хантарааҕынан байыаннай эпэрээссийэҕэ баран эрэрин туһунан кэпсээтэ. Биир дойдулаахтара кининэн киэн туттан туран, күүстээх, хорсун санаалаах уолларыгар, хоту дойду хоһуунугар кыайыы аргыстаах этэҥҥэ эргиллэн кэлэригэр алгыстарын ыыталлар.
— Өймөкөөн улууһуттан 2019 сыллаахха аармыйаҕа ыҥырыллан, Бурятияҕа мотострелковай сэриилэргэ пехотаҕа сулууспалаабытым. Улан Удэҕэ артиллерияҕа сылдьыбытым. Манна сулууспалаан баран, байыаннай хантараагынан салгыы сулууспалыы хаалбытым. Сулууспалыы сырыттахпына, учениеҕа барбыппыт. Ол кэмҥэ былырыын олунньу 22 күнүгэр байыаннай эпэрээссийэ биллэриллибитэ. Онон бу эпэрээссийэҕэ кыттар буолбуппут. Бастаан Белоруссияҕа тиийбиппит. Онтон кимэн киирэн, Киев чугаһыгар тиийэ сылдьыбыппыт. Иккиһин киириибитигэр Белгородынан Изюм куорат хайысхатынан салгыы барбыппыт. Ити хайысхаларынан буолуталаабыт кимэн киириилэри сонуннарга элбэхтэ сырдаппыттара, онон кэпсиир наадата суох. Мин үксэ буряттары, нууччалары кытта сылдьыбытым, аҕыйах саха этибит.
Бастакы контрагым ааспыт сайын бүппүтэ. Бааһырыы ылан дойдубар кэлэн сыл кэриҥэ буоллум. Билигин доруобуйам үчүгэй. Иккиһин бу хантараак түһэрсэммин, чааспар сарсын, өйүүн бараары сылдьабын.
2025 сыл от ыйыттан Арассыыйаҕа үп-харчы эйгэтин, административнай быраабы, табаары маркировкалааһын быраабылаларын таарыйар саҥа сокуоннар…
От ыйын 4-5 күннэригэр Нерюнгри оройуонугар 18-с төгүлүн ыытыллар Олоҥхо ыһыаҕа буолуоҕа. Ыалдьыттары от ыйын…
Ааспыт сууккаҕа Ленскэй оройуоҥҥа 3 га иэннээх ойуур баһаара көһүннэ. Бу туһунан брифинг кэмигэр СӨ…
Баһаарга дьиэ кырыыһата уонна гараас уопсайа 112 кв.м. иэнэ уокка былдьаммыт. Горнай улууһун Бэрдьигэстээх сэлиэнньэтигэр…
Арассыыйаҕа 2025 сыл от ыйын 1 күнүттэн хомунаалынай өҥө тарыыптарын үрдэтии былааннанар. Дойду бырабыыталыстыбатын дьаһалынан,…
Саха Өрөспүүбүлүкэтин Юстицияҕа судаарыстыбаннай кэмитиэтин бэрэссэдээтэлэ Павел Иванов от ыйын 1 күнүгэр, оптуорунньукка, СӨ Ил…