Хаартыска: Семен Сивцев-Өймөкөөн Сэмэнэ түһэриитэ
Сотору кэминэн Өймөкөөн улууһугар ыытыллар Олоҥхо ыһыаҕар Өймөкөөн нэһилиэгэр Саха сирин 1-кы гильдиялаах меценат-атыыһыта Н.О. Кривошапкин уһаайба-дьиэтигэр сэһэн-сэппэн түһүлгэтигэр өрөспүүбүлүкэ урбаанньыттарын уонна наука эйгэтин үлэһиттэрэ кыттыылаах урбаан, меценаттааһын тула «Кэлэр кэм кэрэһиттэрэ» кэпсэтии буолара былааннанар.
Бу күннэргэ Өймөкөөн улууһун аатырбыт меценат-атыыһыта балаҕанын тутуута түмүктэнэн эрэр.
Тутууну былырыын күһүн улуус кыраайы үөрэтээччитэ Тамара Васильева сүбэтинэн саҕалаабыттар.
Балаҕан иэнэ – 62 кв м. Тутааччыларынан Өймөкөөн нэһилиэгин олохтоохторо Любомир Кондаков, Семен Сивцев уонна маастарынан Тааттаттан төрүттээх саха балаҕаннарын тутууларын анаан чинчийэн үөрэппит сатабыллаах мас ууһа Владислав Малгин үлэлииллэр.
Семен Сивцев-Өймөкөөн Сэмэнэ кэпсииринэн, Ньукулай оҕонньор Тарыҥтан Өймөкөөҥҥө көһөн кэлэн олохсуйарын саҕана, бу маннык балаҕаны дьиэтин кытта тэҥҥэ сыһыары туппут эбит.
Ол гынан баран, 60-с сылларга балаҕаны көтүрэн, дьиэтин эрэ хаалларбыттар.
Өһүөтүн быһа эрбээбит суоллара хаалбыт эбит. Тутааччылар бастаан сирин буорун көннөрө сылдьан, балаҕан бэйэтин акылаатын булан ылбыттар. Баҕана төрдө, оһох холумтанын онно, киирии аан омооно тахсан кэлбиттэр.
Акылаатын түһэрэн баран, сыста турбут истиэнэҕэ балаҕан былыргы ойуутун таба өйдөөн көрөн, Владислав Малгин: “Көр, Оҕонньор бу балаҕан тутулларын кэтэспит курдук, көҥүллээтэ, анаан ыйан көрдөрдө дии”, — диэбит.
Онон Ньукулай Оҕонньор көҥүлүн ылбыттыы сананан, тутааччылар бу күннэргэ балаҕаннарын бүтэрэн, Олоҥхо ыһыаҕар үлэҕэ киллэриэхтэрэ.
Арассыыйаҕа үүнэр сыл олунньу 1 күнүттэн биир дьиэ кэргэҥҥэ биир эрэ чэпчэтиилээх кирэдьиити биэрэр хааччах…
Ахсынньы 19 күнүгэр прокакка тахсыбыт «Тооку уонна Чысхаан» толору метражтаах ойуулук киинэ дьон сэҥээриитин ылла…
Марфа, Сергей Расторгуевтар ааттарынан Саха циркэтэ үгэс буолбут Саҥа дьыллааҕы «Книга чудес» саҥа испэктээкилин сүрэхтээтэ.…
Дьокуускайга тохсунньу 4–6 күннэригэр өрөспүүбүлүкэ чөмпүйүөнэ Евгений Охотин кэриэһигэр саахымакка өрөспүүбүлүкэтээҕи турниры ыытар былааннанар. Бу…
Билиигэ-сайдыыга угуйбут, кэскиллээҕи, үйэлээҕи түстээбит, дьоҥҥо-сэргэҕэ кэрэни сахпыт Мария Кирилловна Потапова быйыл төрөөбүтэ 100 сыла…
Субуотаҕа киин куоракка Даркылаахха массыына ууга түспүт алдьархайа дьон-сэргэни аймаата. Кыыс оҕо уонна эр киһи…