Хаартыска уонна видео -- Елена Потоцкая
Былырыын 16-с Олоҥхо ыһыаҕа Өймөкөөҥҥө ыытыллыбыт буолан, Тымныы полюһуттан 70-тан тахса киһилээх дэлэгээссийэ кэлэн, ох курдук оҥостон Аммаҕа ыһыллыбыт Олоҥхо ыһыаҕар кытынна.
300-чэкэ нэһилиэнньэлээх Төрүт нэһилиэгиттэн култуура туйгуна Елена Слепцова салайар “Байаҕантай” фольклорнай кэлэктиибэ Аҕыйах ахсааннаах норуоттар түһүлгэлэригэр ыытыллыбыт Ырыа уонна һээдьэ күрэһэр кыттан, дьон-сэргэ биһирэбилин ыллылар.
Ол курдук, Алдан оройуонуттан кэлбит мин аттыбар турбут ытык кырдьаҕас Галина Керегяева “Байаҕантай” фольклорнай ансаамбылы кытта тэҥҥэ ыллаһа, үҥкүүлэһэ турда. Уопуттаах киһи улахан сыанабылы ылбычча эдэр дьоҥҥо биэрбэтэ чахчы.
Сөбүлээбит нүөмэригэр хоботун тыаһатан тыас таһаарар эбит. Онто оҕолор ырыаларыгар ритмыгар сөп түбэһэн, бэйэтэ туспа ураты мелодия буолан иһиллэр. Елена Слепцова Арктическай институту бүтэрэн баран, төрөөбүт Төрүтүгэр кэлэн оскуолаҕа оҕолору төрүт култуураҕа уһуйар. Маны таһынан, Пантелеймон Тулааһынап аатынан култуура дьиэтигэр уус-уран салайааччынан үлэлиир. Инньэ гынан Төрүт орто оскуолатын оҕолоро оскуола уонна кулууп икки ардыгар сүүрэ сылдьан, бары сахалыы тыыҥҥа уһуйуллан тахсаллар.
Галина Керегяева олуһун сөҕөн Елена Слепцованы кытта кэлэн анаан кэпсэттэ, бэрт элбэх сүбэни биэрдэ.
Галина Степановна «ыраах Тымныы полюһугар былырыын олоҥхо ыһыаҕар сылдьан баран олус дуоһуйан кэлбитим. Саха уонна кыра омуктар өбүгэ саҕанааҕы тыыннара манна баар эбит» диэн бэлиэтээн туран, санаатын маннык үллэһиннэ:
Елена Слепцова оҕолорун кытта быйыл өрөспүүбүлүкэтээҕи таһымнаах тэрээһиҥҥэ аан бастакытын кыттыбыттар.
Эдэр педагог быйыл 11-с кылааһын олох саҥа аартыгар атаарда. Кылаас салайааччытын быһыытынан оҕолорун кытта үөрэх буоллун, сынньалаҥ буоллун, өрүү бииргэ сылдьар учуутал. Быйыл “Байаҕантайга” 5-с көлүөнэ оҕолор талыллан, эмиэ сахалыы, хотугу норуоттар тыыннарыгар уһуйуллуохтара.
Өймөкөөн улууһугар «Байаҕантай» фольклорнай ансаамбыл номнуо ааттаах-суоллаах айар кэлэктиип быһыытынан биллэр, бары суолталаах тэрээһиннэргэ ыҥырыллан, көхтөөхтүк кыттар. Аны өрөспүүбүлүкэ таһымыгар Амма улууһугар Олоҥхо ыһыаҕар сүрэхтэммит «байаҕантайдарга» киэҥ аартык суола аһылынна, инники ситиһиилэригэр күөх уот умайда.
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…