Өймөкөөн Томторугар субуотунньуктар буола тураллар

Share

Бу күннэргэ Олоҥхо ыһыаҕа ыытыллар Өймөкөөн улууһун Томтор нэһилиэгэр ырааһырдыы субуотунньуктара  көхтөөхтүк буола тураллар.

Бу туһунан Томтор нэһилиэгин баһылыга Алексей Винокуров маннык иһитиннэрдэ:

Сүрүннээн эр дьон үлэтэ буолан, икки күн устата көтүрүллүбүт дьиэлэри ыраастыырга уонтан тахса самосвал уонна икки погрузчик үлэлээтэ.

Кэрэхсэбиллээҕэ баар,  Томтор нэһилиэгэр кэлэн үлэлии сылдьар СӨ тырааныспарга миниистирин солбуйааччы Анатолий Потапов салайар биригээдэтэ уонна Саха сирин суолларын управлениетын үлэһиттэрэ көлөлөрүнэн көмөлөһөн уонна  тус бэйэлэринэн кыттыыны ылан, сүҥкэн көмөнү оҥордулар.

Бу күннэргэ биир массыына кырааска кэлэн, искибиэрдэри, пааматынньыктары саҥардыы бара турар. Ол курдук, нэһилиэк киинигэр турар Сылгыһыкка анаммыт пааматынньыгы олохтоох дьаһалта исписэлиистэрэ Гаврил Дьячков, Елена Сивцева, Евгения Цой кырааскалаан бүтэрдилэр.

Власий Кривошапкин аатынан Оҕо ускуустубатын оскуолата уонна “Сайдам” социальнай киин үлэһиттэрэ Чысхаан дьиэтин сууйан-сотон, кырааскалаан саҥардан бүтэрдилэр. Эмиэ тэрилтэлэринэн арахсан, кэккэ бэлиэ эбийиэктэри кырааскалыахпыт, саҥардыахпыт. Ол курдук, Эбэ хайатын үрдүгэр баар эбийиэктэри — балыыһа, “Күнү көрсүү”  эбийиэги – оскуола кэлэктииптэрэ кырааскалыахтара. Маны таһынан, бары искибиэрдэрбитин саҥардыахпыт. Онтон бука бары түһүнэн, ыһыах ыытыллар түһүлгэтин бэс ыйын 20 күнүгэр ыраастаан бэлэмниэхпит. Бу күн анал хамыыһыйа бары эбийиэктэри кэлэн тутуохтаах.

Хорчуоппалар остуоллара, ыскаамыйалара тутуллан бүттүлэр. Онон үлэ бары хайысхаларынан тэтимнээхтик барар.

Recent Posts

  • Интэриэһинэй
  • Сонуннар

Кыһыҥҥы тымныыга тоҥуу хаарга түспүт оҕо хайдах тыыннаах хаалбытай?

Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…

18 минут ago
  • Сонуннар
  • Уопсастыба

Тохсунньу 1 күнүттэн Дьокуускайга оптуобус сыаната үрдүөҕэ

Тохсунньу 1 күнүттэн киин куоракка оптуобус төлөбүрэ 58 солкуобайга диэри  үрдүүрүн туһунан киин куорат баһылыга…

38 минут ago
  • Сонуннар
  • Уопсастыба

Иоанно-Предтеченскэй таҥаратын дьиэтин макета түмэлгэ бэйэтин миэстэтин булла

1889 сыллаахха 1 Нөөрүктээйи нэһилиэгин бочуоттаах инородеһа, биллиилээх меценат Степан Идельгин үбүнэн Өлүөхүмэ улууһун 1…

45 минут ago
  • Сонуннар
  • Уопсастыба

Хаҥалас улууһунааҕы Оҕо-ыччат успуордун оскуолата үйэ аҥаардаах үбүлүөйүн бэлиэтээтэ

Покровскайга Оҕо-ыччат успуордун оскуолата 1975 сыллаахха төрүттэммитэ. Оттон уус-уран гимнастика салаата манна 2021 сыллаахха арыллыбыта.…

58 минут ago
  • Быһылаан
  • Сонуннар
  • Уопсастыба

Кытайга көтөөрү, иэһин төлөөбүт

Суут приставтарын федеральнай сулууспатын Дьокуускай куораттааҕы уонна Сунтаар улууһунааҕы управлениелара 280 тыһыынча солкуобайдаах иэһи төнүннэриигэ…

1 час ago
  • Култуура
  • Сонуннар

“Мөҥүрүөн” түмсүү 25 сыллаах үбүлүөйүн дьоро киэһэтэ

Дьоллоох Дьокуускай куораттан ахсынньы аан туманын хайа тыыран, ахсым-дохсун тимир көлөлөр мөҥүрүөннэр түөлбэлээн олорор Матта…

2 часа ago