Өймөкөөн Томторун олохтоохторо сахалыы тыыннаах быыбардаатылар

Бүгүн Томтор нэһилиэгин олохтоохторо үгүстэрэ сахалыы таҥнан быыбардаатылар.

Томтордооҕу култуура дьиэтин үлэһиттэрэ пааспардарын туппутунан, саха үҥкүүтүн үҥкүүлээбитинэн быыбардыыр учаастакка киирдилэр.

Оттон үс дьүөгэлиилэр Александра Сивцева, Полина Тихомирова, Раиса Березкина эрдэттэн болдьоһон сахалыы таҥнан, биир дойдулаахтарын үөртүлэр.

Ити курдук, Өймөкөөн улууһун Томторун олохтоохторо бүгүҥҥү быыбарга бэрт көхтөөх кыттыыны ыллылар.