Өймөкөөн улууһугар болдьоҕун иннинэ куоластааһын саҕаланна

Билигин суола-ииһэ суох ыраах сытар сирдэргэ болдьоҕун иннинэ куоластааһын бара турар.

Өймөкөөн улууһун 439 №-дээх учаастактааҕы быыбардыыр хамыыһыйатын бэрэссэдээтэлэ Светлана Босикова иһитиннэрэр:

«Атырдьах ыйын 27 күнүгэр ыраах сытар Төрүт нэһилиэгин сорох быыбардааччыларыгар болдьоҕун иннинэ куоластааһыны ыыттыбыт. Бу күн УИК сэкирэтээрэ Алевтина Полищугу уонна хандьытаат кэтээн көрөөччүтүн кытта суола-ииһэ суох Төрүт – Быйыттаах – Славка – Дириҥ Үрэх хайысханан сырыттыбыт».

Уопсайа 12 киһи куоластаабыт – старателлэр, суол үлэһиттэрэ уонна сылгы иитэр бааза үлэһиттэрэ, диэн иһитиннэрэр Киин быыбардыыр хамыыһыйа тг-ханаала.