Хаартыска: "Северная заря" хаһыат телеграм-ханалыттан.
Бүгүн, олунньу 7 күнүгэр, Өймөкөөн улууһугар ситэриилээх былаас отчуота түмүктэннэ.
Отчуоттуур бөлөх састааба сыл аайы уларыйбат буолан, Өймөкөөн улууһун олохтоохторо Боротокуолга киирбит боппуруостара сыыйа быһаарыллан иһэллэрин бэлиэтээтилэр уонна тырааныспар, суол хаһаайыстыбатын миниистирэ Владимир Сивцевкэ махталларын тиэртилэр.
Владимир Михайлович отчуот кэнниттэн Боротокуолга киирбит боппуруостары наардаан, министиэристибэлэргэ уонна биэдимистибэлэргэ үллэрэн баран, сайын бэс ыйыгар боппуруостар хайдах быһаарыллан иһэллэрин бэйэтинэн хонтуруоллуур. Онон сыл аайы тирээн турар кыһалҕа аҕыйаан иһэрэ харахха быраҕыллар. Ол курдук, Томтор уонна Сордоҥноох нэһилиэгин олохтоохторо Куйдуһун муостата алдьанан, сайын аайы айанныылларыгар эрэйдэнэллэрэ.
Былырыын бииргэ айаннаан иһэн, миниистир Владимир Сивцев «эһиилги отчуокка Сордоҥнооххо бу муостанан отчуоттуу барыахпыт» диэн эппитин, «Саха сирэ» саайтка суруйбут матырыйаалбар бэлиэтээбитим, хаартыскаҕа түһэрбитим.
Биир сыл иһигэр бары кыах, күүс Куйдуһуҥҥа бетон муостаны оҥорууга ууруллан, былырыын алтынньыттан муоста тигинэччи үлэлээн барбыта.
Онон быйыл, ситэриилээх былаас отчуоттуур бөлөҕө Сордоҥнооххо саҥа тутуллубут Куйдуһун муостатынан айаннаата.
«Кыһыҥҥы кэмҥэ сылдьар суол» статустаах буолан, ол эрэ өрөмүөнүгэр сөптөөх үп көрүллэриттэн айан суола сотору-сотору алдьанан, Төрүт нэһилиэгин олохтоохторо «Сылы төгүрүччү сылдьар суол» статустанарын өрүү туруорсаллара. Былырыын бу докумуон силигин ситэн, бу суолу сылы эргиччи өрөмүөннүүргэ кыах бэриллибитэ. Миниистир Владимир Сивцев Төрүккэ сылдьан отчуоттууругар сотору кэминэн бу суол кыһыҥҥы өрөмүөнэ саҕаланыаҕын иһитиннэрдэ.
Томтор олохтоохторо биир сүрүн боппуруоһунан көтөр былаһаакка оҥоһуута сөргүтэллэрин, сөмөлүөт сырыыта олохтонорун туруорустулар. Миниистир Владимир Сивцев отчуоту түмүктүүр улуус суруналыыстарын кытта көрсүһүүтүгэр «быйылгы сылга бу боппуруоска улуус дьаһалтатын кытта ыкса бииргэ үлэлэһэн, сөмөлүөт түһэр былаһааккатын сөргүтэр үлэ барыаҕа, салгын сырыытын олохтуурга бары күүспүтүн ууруохпут» диэн бэлиэтээтэ.
Ити курдук, тырааныспар уонна суол хаһаайыстыбатын миниистирэ Владимир Сивцев салайан ыыппыт былаас быйылгы үс күннээх отчуота былырыыҥҥы курдук эмиэ үчүгэй түмүктээх буолан, Өймөкөөн улууһун олохтоохторун күннээҕи кыһалҕаларын чэпчэтэригэр эрэл улахан.
Үүнэр сылтан НДС уонна дьиэ-уот тарыыптара үрдүүллэр, МРОТ, биэнсийэ уонна тиийинэн олоруу алын кээмэйэ улаатар.…
Саҥа дьыл бырааһынньыгын көрсө, Дьокуускай куорат биир биллиилээх эрэстэрээнэ үгэс буолбут «Саҕынньахтаах селедка» салааты саха…
Омугуттан тутулуга суох бэйэ төрөөбүт тылын билии — олох сүрүн ирдэбилэ. Ааһа баран, элбэх тылы…
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…