Өймөкөөн улууһугар суолга куттал суох буолуутун боппуруостарын ырыттылар

Бүгүн Өймөкөөн улууһун баһылыга Александр Оконешников СӨ Суолга куттал суох буолуутун судаарыстыбаннай иниспиэксийэтин салайааччыта, полиция полковнига Александр Архиповы кытта көрүстэ.

Суолталаах көрсүһүүгэ РФ Ис дьыалаҕа министиэристибэтин Өймөкөөн оройуонугар управлениетын начаалынньыгын солбуйааччы, полиция майора Александр Максимов, Өймөкөөн улууһун суолга куттал суох буолуутун судаарыстыбаннай иниспиэксийэтин управлениетын салайааччыта, полиция старшай лейтенана Залимхан Нукбулганов кыттыыны ыллылар.

Өймөкөөн улууһунан “Халыма” федеральнай айан суола ааһар. Манна көмүс хостуур бырамыысыланнас муҥутуурдук сайдыбыт буолан, араас курууһу уонна уматыгы тиэйэр ыарахан уйуктаах массыына сырыыта үгүс. Онон өрүттэр суолга куттал суох буолуутун эйгэтин хааччыйыыга бииргэ үлэлээһин кэккэ боппуруостарын ырыттылар.