Хаартыска СӨ бырабыыталыстыбатын пресс-сулууспатытттан
Өймөкөөн улууһугар ардах халааныттан саамай эмсэҕэлээбит сиргэ, чөлүгэр түһэрэр улахан үлэлэр ыытыллаллар. Бүгүҥҥү күҥҥэ улууска уон тутуу биригээдэтэ үлэлиир диэн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников иһитиннэрдэ.
Бу — Ньурба, Сунтаар, Горнай, Мэҥэ Хаҥалас, Нам, Амма, Үөһээ Бүлүү уонна Бүлүү улуустарыттан уонна Дьокуускай куораттан кэлбит биригээдэлэр, ону таһынан «Саханефтегазсбыт» тэрилтэ хамаандата.
«Бүгүн Өймөкөөн улууһугар уон тутуу биригээдэтэ үлэлиир уонна өссө хас да кыраапык быһыытынан эбии биригээдэлэр айанныырга бэлэмнэнэллэр. Ууттан эмсэҕэлээбиттэргэ бүтүн өрөспүүбүлүкэ көмөҕө кыттыста, биһиги чөлүгэр түһэрэр үлэлэри толору түмүктүөхпүт,» — диэн Дмитрий Садовников бэлиэтээтэ.
Ону тэҥэ Өймөкөөн улууһугар тутуу матырыйаалларын тиэрдии салҕанар. Уопсайа 18 массыына рейсэ сылдьыаҕа: икки массыына номнуо кэлбит, өссө биир айаннаан иһэр. Абый улууһун Кэбэргэнэ сэлиэнньэтигэр 8 туонна кэриҥэ тутуу матырыйаала тиэрдиллиэхтээх. Тириэрдии уустугуттан сылтаан, «Полярнай авиалиниялар» авиахампаанньа салгын аалынан таһыллыаҕа.
Үлэ уонна социальнай сайдыы министиэристибэтин дааннайынан, бүгүҥҥү күҥҥэ эмсэҕэлээбит дьонтон 2083 сайабылыанньа киирбит. Олортон 1511 – биир кэмнээх материальнай көмөнү, 571 – харчынан көмөнү ыларга. Биир сайабылыанньа ыксаллаах быһыыттан-майгыттан доруобуйатыгар хоромньуну ылбыт киһи төлөбүрү көрдөөһүнэ киирбит.
Эмсэҕэлээбит улуустарга тэҥинэн олох-дьаһах хаһаайыстыбатын эбийиэктэрин чөлүгэр түһэрэр үлэлэр ыытыллаллар. Биригээдэлэр күүһүрдүллүбүт эрэсииминэн үлэлииллэр уонна өрөмүөн бүтүөхтээх болдьоҕор түмүктүүр былааннаахтар. Тыа хаһаайыстыбатын министиэристибэтэ бары бааһынай хаһаайыстыбалары кэрийэн көрөн, хоромньуну ааҕыыны түмүктээтэ. Билигин харчынан көмөнү оҥоруу боппуруоһа быһаарыллар.
Ону таһынан, өрөспүүбүлүкэ баһылыга Айсен Николаев сорудаҕынан СӨ бырамыысыланнаска уонна геологияҕа министиэристибэтэ улууска баар сир баайын хостуур тэрилтэлэртэн үп хомуйуутун ыытар. Бүгүн биэдэмэстибэҕэ тэрилтэлэри кытта харчынан өйөбүлү оҥоруу туһунан мунньах буолуоҕа.
Сиһилии: https://www.sakha.gov.ru/news/9173
Бүгүн, балаҕан ыйын 17 күнүгэр, Саха сирин сорох улуустарыгар инчэҕэй хаары кытта ардах түһэрэ күүтүллэр…
П.Х.Староватов аатынан Элгээйи оскуолата быйыл 150 сыла. Бу саас "Пеший поход: родные просторы" барылынан Арассыыйатааҕы…
Элгээйи олохтоохторо өр кэтэспит саҥа таас балыыһалара быйыл үлэҕэ киирбитэ. Балыыһа уон киһи сытан эмтэнэр…
ИДьМ Мииринэй оройуонунааҕы полиция салаатыгар түөкүттэргэ албыннатан 1 140 000 солк. суйдаппыт 39 саастаах Айхал…
Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр... Тумуу, кириип, сөтөл ыарыыта…
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …