Өймөкөөн улууһугар уу таһыма үрдээн, үрдүк бэлэмнээх буолуу эрэсиимэ биллэрилиннэ

Бу күннэргэ Өймөкөөн улууһугар тохтоло суох дохсуннук ардаан, нэһилиэктэргэ өрүстэргэ уонна үрэхтэргэ уу таһыма үрдээн, Өймөкөөн улууһугар үрдүк бэлэмнээх буолуу эрэсиимэ биллэрилиннэ.

Улуус баһылыгын э.т. Алексей Федотов 269
№-дээх дьаһалыгар улуус салайар уорганнарыгар, нэһилиэктэр баһылыктарыгар халаан тахсар түбэлтэтин бохсууга, дьону куттала суох сиргэ көһөрөргө уо.д.а. ыксаллаах миэрэлэри ыларга бэлэм эрэсиимҥэ олороллоругар соруйда.
Улуус дьаһалтатын иһинэн 14 киһилээх суһал ыстаап тэрилиннэ.

Балаһыанньаны суһал ыстаап чилиэннэрэ хонтуруолга ылан, анаан кэтии олороллор.