Хаартыска: "Северная заря" хаһыат ТГ-ханаалыттан
Бүгүн Өймөкөөн улууһугар өрүстэр уонна үрэхтэр хааларыттан тахсан, оройуоҥҥа үрдүк бэлэмнээх буолуу эрэсиимэ биллэриллибитэ.
Күнүс куйаар ситиминэн ыытыллыбыт өрөспүүбүлүкэтээҕи суһал ыстаап мунньаҕар улуус баһылыгын э.т. Алексей Федотов иһитиннэрбитинэн, Сордоҥноох нэһилиэгэр олохтоохтор сүөһүлэрин үрдүк сиргэ көһөрдүлэр. Бастакы кэмҥэ манна наадаалаах бородуукта саппааһа 7 күҥҥэ тиийэр баар. Фельдшерскэй пууҥҥа эмп саппааһа баар эрээри, аҕыйах. Уматык тиийэр.
Томторго баһылыгы солбуйааччы Айаал
Неустроев иһитиннэрбитинэн, ууга 14 дьиэ барар кутталлаах. Онтон 4-дэ кэтэх, 10 элбэх кыбартыыралаах дьиэ. Онно 104 киһи олорор.
Ол иһигэр 18 оҕо. Бастакы наадалаах бородуукта саппааһа 7 күҥҥэ тиийэр. Эмп саппааһа баар.
Үчүгэй нэһилиэгэр биир кэтэх, биир элбэх кыбартыыралаах дьиэлэр ууга барар кутталлаахтар. Онно 12 киһи олорор, ол иһигэр — 5 оҕо. Бастакы наадалаах бородуукта 14 сууккаҕа тиийэр.
Өймөкөөн нэһилиэгин баһылыгын солбуйааччы Павел Дягилев иһитиннэрбитинэн, ууга барбыт дьиэ суох. Бастакы наадалаах бородуукта саппааһа 7 күҥҥэ тиийэр.
Түөрт нэһилиэги хааччыйар Куйдуһуннааҕы сапыраапка уматыгын саппааһа тиийэр.
Айан суолугар хаайтаран, массыына мустан турар түбэлтэтэ биллэ илик.
Наадалаах тиэхиньикэ: экскаватор, бульдозер, погрузчик, автогрейдер, самосвал Томторго бэлэм тураллар.
Улуус нэһилиэктэрин бары социальнай эбийиэктэрэ күннээҕи эрэсииминэн үлэлии тураллар.
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…
Саҥа үөрэх дьылыттан үрдүк үөрэх кыһаларыгар истипиэндьийэ 7,6 бырыһыантан итэҕэһэ суох үрдүөҕэ. Бу бүддьүөт миэстэтигэр…
Бүгүн, атырдьах ыйын 31 күнүгэр, Орджоникидзе болуоссакка фонтан хапытаалынай өрөмүөнүн кэнниттэн үлэтэ түмүктэннэ. Бэдэрээтчит фонтаны…
Истэрин истэр этим, ааҕарын ааҕар этим да, эмэн сааспар көрбөтөхпүн көрөммүн бэри диэн бэккиһээн, сөрү…
Күн 4197 нүөмэрдээх куттааллах чааһа Сир диэки хайыста, диэн РНА Космос чинчийиилэрин институтун (КЧИ) Күн…
Хотугулуу-Илиҥҥи федеральнай университет байыаннай дьайыы кыттыылаахтарын туһунан «Эһиги биһиги өйбүтүгэр-санаабытыгар хаалаҥҥыт, мэлдьи тыыннаах буолуоххут» диэн…