Бу күннэргэ Өймөкөөн улууһун баһылыга Александр Оконешников Дьокуускай куоракка командировкаҕа сырыытын кэмигэр үгүс суолталаах боппуруостары быһаарыста.
Александр Оконешников РФ сэнээтэрэ Сахамин Афанасьевы кытта оробуочай көрсүһүүтүн кэмигэр муниципальнай тэриллиилэргэ “Күөх төлөбүрдэри” (айылҕа харыстабылыгар сыһыаннаах нолуоктар) туһанан канализацияны ыраастыыр эбийиэктэри бырайыактыырга уонна үбүлүүргэ көмөлөһүөн сөптөөх федеральнай эрэгэлээмэннэргэ уларытыылары киллэрэр туһунан боппуруоһу туруоруста.
“Кырдьык, бу үлэ уу эбийиэктэригэр куһаҕан дьайыылары биллэ аҕыйатыаҕа, уу баайын хаачыстыбатын тупсарыаҕа уонна нэһилиэнньэлээх пууннарга санитарнай усулуобуйа таһымын үрдэтиэҕэ. Онон бу этиини өйөөн, мин РФ Бырабыыталыстыбатын Бэрэссэдээтэлин солбуйааччыта Дмитрий Патрушевка Өймөкөөн улууһун баһылыгын көҕүлээһинин өйүүргэ мэктиэ сурук суруйан ыыттым”, — диэн бэлиэтээтэ бэйэтин телеграм-ханаалыгар сэнээтэр Сахамин Афанасьев.
Маны тэҥэ, баһылык Александр Оконешников киин куоракка сылдьар кэмигэр бырамыысыланнас миниистирэ Максим Терещенконы кытта көрсөн, муус устарга промышленнай хампаанньалары кытта ыытыллар киэҥ ыҥырыылаах мунньахха кыттыы туһунан боппуруостары сүбэлэстэ.
— Салгыы «Полярные авиалинии» авиахампаанньа генеральнай дириэктэрэ Семен Винокуровы кытта көрсөн, Томтор куустатын эҥэр сөмөлүөт көтүүтүн туруорустум. “Чехословацкай” сөмөлүөттэр өрөмүөҥҥэ тураллар эбит. Айан-сырыы уустугурар кэмигэр, сааскы ириэрии саҕана АН-3 сөмөлүөтү көтүтэр туһунан боппуруоһу, онуоха бу көтөр аал түһэр былаһааккатын оҥоруу ирдэбиллэрин ырыттыбыт, — диэн сонуннарын үллэһиннэ улуус баһылыга Александр Оконешников.
Командировкаҕа сырыытын кэмигэр Өймөкөөн улууһун баһылыга өрөспүүбүлүкэтээҕи туризм ааҕыныстыбатын салайааччыта Спиридон Сивцевы кытта көрсөн кулун тутар 29 күнүттэн 31 күнүгэр диэри ыытыллыахтаах “Тымныы полюһугар айан” кыһыҥҥы туризм тэрээһинин туһунан кэпсэттэ.
— Бу көрсүһүүгэ Өймөкөөн улууһа Тымныы полюһун быһыытынан туризм муҥутуурдук сайда турар оройуонунан буоларын бэлиэтээн туран, кэскиллээх былааннары торумнаатыбыт, бииргэ үлэлэһии хайысхаларын ырыттыбыт, — диэн кэпсээтэ Александр Оконешников.
Бу күннэргэ Дьокуускайга улуус баһылыга Өймөкөөн улууһа өрөспүүбүлүкэтээҕи табаһыттар сийиэстэригэр кыттыытыгар үлэлэһэр.
Александр Афанасьевич ыччаты иитиигэ 40-ча сылы быһа айымньылаахтык үлэлии сылдьар. Кини олоҕун оҥкулун билсиһиннэрдэххэ,тыһыынча киһиттэн…
«Аар Кудай» кэрэ көстүү уонна духуобунас күрэхтэһиитэ бүгүн төрдүс күнүн ыытылынна. «Аар Кудай» куонкурус пресс-сэкирэтээрэ…
ДНӨ 2025 сыл саҕаланыаҕыттан Саха сирин тирэх пуунун мэхээнньиктэрэ "Якт-Сокол" 23 квадроциклы уонна 5 массыынаны…
Кулун тутар 19-22 күннэригэр А.Е.Кулаковскай аатынан норуоттар доҕордоһууларын дьиэтигэр "Мир Арктики-2025" уус-уран оҥоһуктар быыстапкалара буолуоҕа.…
Кэлэр нэдиэлэҕэ Дьокуускайга Саха Өрөспүүбүлүкэтин табаһыттарын IV сийиэһэ ыытыллаары турар. Онон, түгэнинэн туһанан, “Саха сирэ”…
Бүлүүтээҕи бэтэринээринэй пууҥҥа ыт сирэйэ ириҥэрбитин эмтээтилэр. Боотур диэн ааттаах, 13 саастаах ыты пууҥҥа хаһаайына…