Хаартыска -- Александр Оконешников тиксэриитэ.
Бу күннэргэ Дьокуускайга оробуочай командировка чэрчитинэн улуус баһылыга Александр Оконешников миниистирдэри уонна өрөспүүбүлүкэ биэдэмистибэлэрин салайааччыларын кытта көрсөр.
Биллэн турар, бу суолталаах көрсүһүүлэргэ салайааччы улуус тирээн турар боппуруостарын, сайдыы инники саҕахтарын дьүүллэһэр.
— СӨ тутууга миниистирэ Виктор Романовы кытта Үчүгэйгэ саҥа оскуола тутуутун ситэрии, Өймөкөөн нэһилиэгэр эдэр исписэлиистэргэ анаммыт түөрт кыбартыыралаах дьиэ тутуутун туһунан кэпсэттибит. Тырааныспар уонна суол хаһаайыстыбатын миниистирэ Владимир Сивцевы кытта өрөспүүбүлүкэтээҕи суолталаах суоллары, муосталары өрөмүөннээһин уонна тутуу, салгынынан сырыы, Уус Ньара киин уулуссаларын аспаллааһын боппуруостарын ырыттыбыт. Маны тэҥэ, СӨ Бырабыыталыстыбатын Бэрэссэдээтэлин солбуйааччы Ольга Балабкинаны, урбаан, атыы-эргиэн уонна туризм миниистирэ Тимур Хандыны, эрэгийиэн инновацияҕа, цифровой сайдыыга уонна инфокоммуникационнай технологияларга миниистир Василий Ефимовы, СӨ физическэй култуураҕа уонна успуорка миниистир Леонид Спиридоновы кытта көрсөн, улууска ыытыллар тэрээһиннэргэ бииргэ үлэлээһини торумнаатыбыт. Тыа хаһаайыстыбатын, ОДьКХ миниистирдэрин, “Саха сирэ 21-с үйэҕэ” өрөспүүбүлүкэтээҕи Үтүө дьыала хамсааһынын салалтатын кытта улуус социальнай-экэнэмиичэскэй сайдыытыгар туһуламмыт боппуруостары ырытар көрсүһүүлэри былаанныыбын, — диэн бэлиэтээтэ улуус баһылыга Александр Оконешников.
Дьокуускай куоракка Муниципальнай тэриллиилэр бэрэстэбиитэллээх уорганнарын, дьокутааттарын 3-с сийиэһэ буола турар. Сийиэс үлэтин чэрчитинэн, Ил…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…