Сардаана Кожукова хаартыскаҕа түһэриитэ
“Тымныы пoлюһа Өймөкөөн” IV экстремальнай усулуобуйаҕа сүүрүү марафон кыттыылаахтара кыһыҥҥы таҥаһы тигэр аатырбыт «BASK» пиирмэ кууркаларын Өймөкөөн тымныытыгар тургуттулар.
Бэҕэһээ Н.М. Заболоцкай-Чысхаан аатынан орто оскуолаҕа Ил Түмэн Халыма-Индигир уокуругуттан дьокутаата Сахамин Афанасьев, Өймөкөөн улууһун баһылыга Иннокентий Сивцев уонна “BASK” ХЭУо генеральнай дириэктэрэ Владимир Богданов кыттыылаах төгүрүк остуол буолан ааста. Көрсүһүүгэ Өймөкөөҥҥө туризмы сайыннарыы боппуруостарын ырыттылар, санааларын үллэһиннилэр.
Улуус баһылыга Иннокентий Сивцев уонна “BASK” ХЭУо генеральнай дириэктэрэ Владимир Богданов Өймөкөөҥҥө кыһыҥҥы туризм сайдыытыгар кэскиллээх былааннары торумнаатылар.
Марафон генеральнай спонсора, экстремальнай туризм, альпинистар уонна полярнай эспэдииссийэлэр эспиэрдэрэ, “BASK” ХЭУо салайааччыта бэйэтин научнай исписэлиистэрин Ольга Богданованы уонна Мария Богданованы кытта “Тонор” сылгы баазатыгар сырыттылар.
— Ыалдьыттарбыт сылгыны үөрдээн иитии баазатын олус кэрэхсээтилэр. Мин бэйэм бу пиирмэ таҥаһын кэтэ сылдьарбын көрөн, “Тымныы полюһугар биһиги таҥаспытын кэтэллэр эбит” диэн олус үөрдүлэр. Пиирмэ хаһаайынын атаҕын таҥаһа чарааһын көрөн, “марафоҥҥа өр таһырдьа сылдьан тоҥуоҥ” диэн, өссө бэйэтин пиирмэтин саппыкытын уларыстым. Онон бэйэтин тэрилтэтэ оҥорор атаҕын таҥаһын аны хаһаайын бэйэтэ тымныыга тургутан көрөр буолла, — диэн санаатын үллэһиннэ Томтор нэһилиэгин баһылыга Алексей Винокуров.
Бэҕэһээҥҥиттэн Томтор нэһилиэгэр сүүстэн тахса марафон кыттааччыта ыалдьыттары түһэрэр дьиэлэринэн, ыалларынан түстүлэр. Аны аҕыйах хонугунан Томтор нэһилиэгэр Олоҥхо ыһыаҕар анаммыт научнай-практическай кэмпириэнсийэҕэ 500-чэкэ ыалдьыт тоҕуоруһан кэлиэҕэ. Онтон быйыл сайын от ыйын саҥатыгар бу нэһилиэк 10 000 кэриҥэ ыалдьыты Олоҥхо ыһыаҕар көрсүөҕэ. Онон томтордор кыһыҥҥы экстремальнай марафон кыттыылаахтарын көрсүүттэн саҕалаан, ыалдьыттары көрсүү эстэпиэтэтин туттулар.
Cаҥа дьылга хас биирдии дьиэ кэргэн үгэс быһыытынан баай, дэлэгэй астаах-үөллээх остуолун тула олорон, ааһан…
«РИК» бөлөх хампаанньалар көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр. 2025…
2025 сыл ахсынньы 15 күнүгэр Дьокуускай 202-с микро-оройуонугар куорат уонна чугастааҕы ыччат көрсүһэр, кэпсэтэр сирэ…
Арассыыйаҕа кэлэр сылга хомунаалынай өҥөлөр иһин төлөбүр тохсунньу 1 уонна алтынньы 1 күннэригэр үрдүөҕэ. Бу…
Азсынньы 19 күнүгэр Владимир Путин 4 чаас 27 мүнүүтэ устата ыыппыт быһа эпииригэр уонна пресс-кэмпириэнсийэтигэр…
Саха Өрөспүүбүлүкэтин суут бириистэптэрин сулууспатын управлениетыгар икки сааһын ситэ илик оҕотун иитиитигэр алименнары төлөөбөтөх дьахтар…