Хаартыска: "Хотугу сардаҥа" хаһыаттан.
Бүгүн Арассыыйа бибилэтиэкэрдэрэ Бибилэтиэкэ күнүн бэлиэтииллэр.
1795 сыллаахха ыам ыйын 27 күнүгэр дойдубутугар бастакы национальнай бибилэтиэкэ аһыллыбыта. Оттон бу күннэргэ Өймөкөөн улууһун бибилэтиэкэлэрэ эмиэ дьоһун үбүлүөйдээх сылларын бэлиэтииллэр. Улуус бибилэтиэкэрдэрин Өймөкөөн улууһун баһылыга Александр Оконешников анаан эҕэрдэлээтэ:
“Быйыл улуус бибилэтиэкэлэрин үбүлүөйдээх сыллара — Кириэс-Томторго ааҕар балаҕан аһыллыбыта 100 сыла, Өймөкөөн нэһилиэгэр ааҕар балаҕан аһыллыбыта — 95, Томтор нэһилиэгин бибилэтиэкэтэ — 75, Төрүт нэһилиэгин бибилэтиэкэтэ — 70, Өймөкөөннөөҕү кииннэммит бибилэтиэкэ тиһигэ 45 сылларын бэлиэтииллэр. Хас биирдии бибилэтиэкэргэ, бары үлэһиттэргэ ис дууһаҕытыттан кыһамньыгытын уураргытыгар, ааҕааччылары кытары истиҥник, эйэҕэстик үлэлииргитигэр, сонун сүүрээннэри олоххо ситиһиилээхтик киллэрэргитигэр махтанабын. Эһиэхэ айымньылаах үлэҕитигэр ситиһиини, өссө да дьону көҕүлүүр бырайыактары олоххо киллэрэн, улууспут сайдыытыгар дьоһун кылааккытын киллэрэргитигэр баҕарабын!”
Өймөкөөн улууһун бибилэтиэкэлэрэ өрүү ааҕааччыларына толору буолаллар, бибилэтиэкэрдэр дьону кэрэхсэтэр араас тэрээһиннэри ыыталлар. Бу күн үбүлүөйдээх бибилэтиэкэлэр үлэһиттэригэр биир дойдулаахтара махтал тылын бастыҥын анаатылар.
Алтынньы ыйга Саха сиригэр өссө 20 км уһуннаах эрэгийиэннээҕи суолталаах суол өрөмүөнэ түмүктэннэ. Бу туһунан…
Үлэ ырыынагар үлэһит илии тиийбэтэ уонна импорты солбуйар оҥорон таһаарыы күүскэ сайдыыта кэнники сылларга хамнас…
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…