Хаартыска: Юлия Фролова.
Балаҕан ыйын 1 күнүгэр Өймөкөөн улууһун дьаһалтата уонна “Западная” АУо бииргэ үлэлээһиҥҥэ анал сөбүлэҥ түһэристилэр.
Улуус баһылыга Александр Оконешников уонна «Западная» АУо генеральнай дириэктэрэ Дмитрий Ушков социальнай-экэнэмиичэскэй сайдыы эйгэтигэр бииргэ үлэлиир туһунан сөбүлэҥ түһэристилэр. Суолталаах тэрээһиҥҥэ «ОКТО» бөлөх бэрэстэбиитэлэ Дмитрий Толоконников улуус дьаһалтатын эппиэттээх исписэлиистэрэ, нэһилиэктэр баһылыктара кыттыыны ыллылар.
Бииргэ үлэлээһин докумуонугар социальнай-култуурунай бырайыактары, спортивнай тэрээһиннэри олоххо киллэриигэ, патриотическай иитиини өйөөһүнү уонна олохтоох кадрдары хампаанньа бэйэтигэр эрэ буолбакка, «ОКТО» бөлөх атын тэрилтэлэригэр үлэлииргэ бэлэмнээһин киирдилэр. Улуус баһылыга Александр Оконешников айылҕа иэдээнин кэмигэр ыксаллаах быһыы-майгы балаһыанньатыгар көмөлөспүт «ОКТО» бөлөххө дириҥ махталын биллэрдэ: «Быйыл сайын Өймөкөөн улууһа уонна өрөспүүбүлүкэ хоту улуустара ардах халааныттан улахан хоромньу тахсыбытыгар “Западная” хампаанньа 16 мөлүйүөн солкуобай суумалаах үбү көрөн, улахан өйөбүлү оҥордо. Ол үбү дьиэ тутуутугар, тутуу матырыйаалын атыылаһыыга тутуннубут. Ону тэҥэ тэрилтэ Өймөкөөн, Томтор уонна Орто Балаҕан нэһилиэктэригэр гуманитарнай көмөнү — аһы-үөлү ыытта. Биир дойдулаахтарым аатыттан ОКТО бөлөх салалтатыгар, чуолаан Алексей Николаевич уонна Дмитрий Николаевич Толоконниковтарга истиҥ махталбын тиэрдэбин!” – диэн бэлиэтээтэ баһылык Александр Оконешников.
Муниципальнай тэриллии баһылыга мустубут дьоҥҥо Өймөкөөн улууһун 2032 сылга диэри сайдар стратегическай сыалын-соругун билиһиннэрдэ.
— «Бадараан” руднига өрөспүүбүлүкэҕэ биир саамай кырдьаҕас шахтата буолар. Өймөкөөн улууһун олохтоохторо үгүстэрэ сэбиэскэй кэмҥэ манна үтүө суобастаахтык үлэлээбиттэрэ уонна билигин тэрилтэҕэ салгыы үлэлии сылдьаллар. Улуус дьаһалтатын кытта маннык ыкса үлэлэһии биһиэхэ олус наадалаах», — диэн бэлиэтээтэ “Западная” АУо салайааччыта Дмитрий Ушков.
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…