Хаартыска: Ираида Харлампьева тиксэриитэ.
Өймөкөөн улууһугар “Доруобуйа харыстабыла” национальнай бырайыак өйөбүлүнэн улуустааҕы балыыһа материальнай-техническэй базата саҥардыллан, анал тиэхиньикэ ахсаана кэҥээн иһэр.
“Бастакы медицинскэй көмөнү саҥардыы” федеральнай бырайыак көмөтүнэн улуустааҕы киин балыыһа автопааркатыгар кэккэ саҥа массыына кэллэ. Бу Тымныы полюһун олохтоохторугар бастакы медицинскэй көмөнөн хааччыйыыны тупсарыыга биир суолталаах олугунан буолар.
— Улуустааҕы киин балыыһа 2022 сылтан ыла 6 суһал көмө массыынанан (ол иһигэр 2 “В” кылаастаах реанимобиль) хааччылынна. Нэһилиэнньэлээх пууннар уонна оройуон киинин икки ардыгар 500 км арыттаах буолан, Өймөкөөн олохтоохторун киин балыыһатын анал көлөнөн хааччыйыы тыын суолталаах.
Маны таһынан, 2022 сылга улуу с киин балыыһатын СӨ Доруобуйа харыстабылын министиэристибэтэ «Маммо-4МТ-плюс» рентген-маммограф, көһө сылдьар ФЛГ-аппарат уонна уопсай хайысхалаах флюороскопическай рентген систиэмэтин (мобильнай, цифровой) курдук аныгы медицинскэй тэриллэринэн хаачыйбыта. 2024 сыллаахха, РФ бэрэсидьиэнэ Владимир Путин көҕүлээбит “Доруобуйа” национальнай бырайыагын бастакы медицинскэй көмөнү оҥорууну сайыннарыы бырагырааматын чэрчитинэн, министиэристибэ улуус киин балыыһатын “ПАРУС” диэн көһө сылдьар рентген-аппараатынан эмиэ хааччыйбыта. Ол аппарааты хирургическай отделениеҕа палаататтан палаатаҕа көһөрөн, кыайан хамсыыр кыаҕа дьону оронноруттан хамсапакка доруобуйаларын туругун чинчийиэххэ сөп.
“Доруобуйа” нациоанальнай бырайыагын чэрчитинэн оройуоннааҕы балыыһаҕа хатпытаалынай өрөмүөн ыытыллар. 2022 сылллаахха поликлиниканы саҥардыбыппыт. Маны таһынан, быраастар үлэлиир кэбиниэттэрэ балыыһа салалтата анал көрбүт үбүнэн саҥа миэбэлинэн хааччыллыбыттара. Ити курдук, эмчиттэргэ, бары исписэлиистэргэ үлэлииллэригэр табыгастаах усулуобуйаны сөптөөхтүк тэрийэбит, — диэн бэлиэтиир улуустааҕы киин балыыһа кылаабынай бырааһа Ираида Харлампьева.
«Доруобуйа» национальнай бырайыак чэрчитинэн, СӨ бырабыыталыстыбата уонна СӨ Доруобуйа харыстабылын министиэристибэтэ улуус киин балыыһатын материальнай-техническэй баазатын бөҕөргүүтүүгэ үгүс өрүттээх үлэни салгыы ыыталлар.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…