Елена Потоцкая хаартыската
Бүгүн Дьокуускайга Өймөкөөн улууһун 105 сылын чэрчитинэн Ю.А. Гагарин аатынан култуура уонна ускуустуба киинигэр күнү быһа араас тэрээһиннэр ыытылла тураллар.
Биир сүрүн суолталаах тэрээһининэн улуус муниципальнай нэһилиэктэрин уонна оробуочай бөһүөлэктэрин сайыннарыыга туһуламмыт киэҥ ыҥырыылаах стратегическай сиэссийэ буолла. Манна министиэристибэлэр уонна биэдэмистибэлэр кыттыылаах аһаҕас санаа атастаһыыта буолла. Тэрээһини «Өймөкөөн улууһа» МТ салалтата, Арктическай научнай чинчийэр киин уонна Арктическай култуура уонна ускуустуба института холбоһон ыыттылар. Тэрээһини Арктическай институт дизайн уонна прикладной ускуустуба институтун доцена, техническай наука кандидата, РФ архитектордарга Сойууһун чилиэнэ Ирина Алексеева салайан ыытта.
Уус-Ньара бөһүөлэгин баһылыга Виктория Понамарчук, Томтор нэһилиэгин баһылыгын солбуйааччы Айаал Неустроев, Төрүт нэһилиэгин баһылыга Алексей Кондаков, Сордоҥноох нэһилиэгин баһылыга Альберт Вензель, Өймөкөөн нэһилиэгин баһылыга Павел Васильев бэйэлэрин нэһилиэктэрин социальнай-экэнэмиичэскэй стратегияларын билиһиннэрдилэр.
СӨ архитектурата уонна куораты тутууга архитектуратын управлениетын салайааччыта Любовь Папок баһылыктарга сиһилии генеральнай былааннары оҥорууга баар ирдэбиллэри сырдатта. Экэнэмиичэскэй наука дуоктара, Арктическай научнай чинчийэр институт чинчийии салаатын салайааччыта Туйаара Гаврильева «Өймөкөөн улууһа халааҥҥа ылларар улууһунан буоларын быһыытынан, араас бырайыактары оҥорууга кэккэ ирдэбиллэри хайаан да тутуһуохтааҕын ыйда.
Ити курдук, идэтийбит исписэлиистэр Өймөкөөн улууһун нэһилиэнньэлээх пууннарга сайдыытыгар бэрт дириҥ ис хоһоонноох, кэскиллээх кэпсэтиини ыыттылар, дьоһуннаах санаа атастаһыыта буолла. Эспиэр-салайааччылар «Өймөкөөн улууһун салалтата бу маннык суолталаах уонна олус наадалаах тэрээһини аан бастакынан ыытта. Дьокуускай куоракка улуус күннэрин ыытыы — арыы-эргиэн, култуурунай тэрээһин эрэ буолбакка, бастатан туран, бу курдук сайдыыга туһуламмыт буолуохтаах» диэн бэлиэтээтилэр.
Тохсунньу тоһуттар тымныытыгар табаһыттар хайдах үлэлииллэрэ буолла диэн киһи хайдах эрэ чаҕыйа саныыр. Ол эрээри, үлэ-хамнас сөпкө тэриллибит, үчүгэй салайааччылаах хаһаайыстыбалар саҥа 2026 сылга этэҥҥэ үктэннилэр. Эбээн Бытантай улууһугар “Кочевник” көс аҕа ууһун общината 2009 с. тэриллэн үлэлиэҕиттэн, үгүс эдэр дьону табаһыт уустук идэтигэр уһуйда. Ол саҕана саҥа тэриллэр кэмнэригэр 800-чэ табаны ылан, үлэлээн барбыттар.…
Ыччат дьон маатыраны күннээҕи туттар тылларыгар кубулутан эрэриттэн сонньуйабыт. Биир үтүө күн Күһүөрү биир үтүө күн үлэбиттэн дьиэбэр бараары оптуобуска…
Кириһиэнньэ кэмигэр, тохсунньу 18-19 күннэригэр, таҥара дьиэтигэр иһиттээх тиийэн сибэтиэй ууну ылыы, чардаат алларан ууга…
Быйыл Арассыыйа Бэчээтин күнүгэр биһиги биир идэлээхпит, “Сахамедиа” генеральнай дириэктэрин солбуйааччы, суруналыыс, политолог Чокуур Гаврильев…
Сарсын, тохсунньу 19 күнүгэр – Кириһиэнньэ. Бу күн туох көҥүллэнэр, бобуллар? Кириһиэнньэнэн күнү-дьылы хайдах билгэлииллэр?…
2000 сыллар саҥаларыгар төрөппүттэрим кыһын куоракка айаннаан иһэн суолга моһуогурбуттара. Онуоха амарах санаалаах Нуораҕана дьоно өрүһүйэн, аҕам түүннэри гарааска массыынатын оҥостон, киин сири булбуттарын саныыбын.…