Хаартыска -- Иван Максимов тиксэриитэ
Быйыл от ыйыгар Өймөкөөн улууһун киининэн Уус Ньара бөһүөлэгинэн ааһар “Халыма” федеральнай айан суолун аспааллааһын саҕаламмыта.
Бу үлэни оҥороору аспаал-бетон собуотун аҕалан туруорбуттара. Уус Ньара бөһүөлэгин салалтата уонна дьокутааттар бу түгэни туһанан хаалаары, улуус киинин киин уулуссаларын аспааллатарга санаммыттара. Маныаха, биллэн турар, сөптөөх үбүлээһин көрүллүөн наада этэ. Ол инниттэн бөһүөлэк салалтата уонна дьокутааттар бырабыыталыстыбаҕа көрдөһүүлээх тахсыбыттара. Өрөспүүбүлүкэ салалтата уус ньаралар бырайыактарын өйөөн, СӨ Суол пуондатын нөҥүө муниципальнай тэриллиигэ 8 мөлүйүөн солкуобай үбүлээһини тыыран биэрбитэ. Ол түмүгэр Өймөкөөн улууһун төрүт олохтооҕо, сылгыһыт, Социалистическай Үлэ Дьоруойа Г.А. Кривошапкин уулуссатын аспааллаабыттара. Бу аатырбыт сылгыһыт 115 үбүлүөйдээх сааһыгар улууска дьоһуннаах бэлэҕинэн буолара саарбаҕа суох.
Уус Ньара бөһүөлэгин атын уулуссаларын аспааллааһыҥҥа докумуоннар эмиэ бэлэмнэниллэн, улуус бу күннэргэ эмиэ тустаах куонкуруска кыттыыны ылла. Сүрүн сорук — аспаал-бетон собуота Уус Ньараҕа турар икки сыл болдьохтоох кэмин баттаһа, киин уулуссалары аспааллатыы. Ити боппуруоска улуус салайааччыта Иван Максимов тустаах исписэлиистэри кытта Дьокуускайга кэлэн анаан үлэлэстэ.
«Саха сирэ XXI үйэҕэ» өрөспүүбүлүкэтээҕи үтүө дьыала хамсааһын чэрчитинэн Үчүгэй нэһилиэгэр тутулла турар 60 миэстэлээх Үчүгэй орто оскуолатын тутууга сыһыаннаах сметалыыр-бырайыактыыр докумуоннары саҥардан оҥорууга, үбүлээһин кээмэйин үрдэтиигэ баһылык э.т. Иван Максимов кэккэ боппуруостары быһаарыста.
Өймөкөөҥҥө эдэр исписэлиистэргэ саҥа 4 кыбартыыралаах дьиэ тутуллуохтаах. Онон бу боппуруос эмиэ болҕомтоҕо турар.
Кэлиҥҥи сылларга Орто Балаҕан уонна Өймөкөөн нэһилиэктэрин олохтоохторун Индигир өрүс халааннаан эрэйдиир буолла. Иван Максимов Экология уонна айылҕа харыстааһынын министиэристибэтигэр сылдьан, бу нэһилиэктэргэ биэрэги бөҕөргөтүү уонна Индигир өрүһү дириҥэтиигэ үлэ ыытылларын эмиэ быһаарыста. Бу кэпсэтии түмүгүнэн сотору министиэристибэ хамыыһыйата мунньахтаан, тустаах быһаарыыны ылыныаҕа. Маны таһынан, салайааччы СӨ Тыа хаһаайыстыбатын министиэристибэтигэр сылдьан, кэккэ боппуруостары дьүүллэстэ.
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…