Хаартыска -- Татьяна Бурцева түһэриитэ.
РФ сэнээтэрэ Сахамин Афанасьевтан өрөспүүбүлүкэ тэрилтэлэрэ, олохтоохторо араас боппуруостары быһаарарыгар көрдөһөллөр.
Киирбит ыйытыылары тустаах инстанцияларынан быһаарыы – сэнээтэр үлэтин биир сүрүн соруга. Бу күннэргэ Сахамин Афанасьев Өймөкөөн улууһугар Томторго элбэх хайысхалаах култуурунай-спортивнай комплекс тутуутун туһунан боппуруоска үлэлэстэ.
1977 сыллаахха Томтор бөһүөлэгин сельсоветын бэрэссэдээтэлэ Власий Кривошапкин туруорсуутунан олохтоохтор күүстэринэн тутуллубут култуура дьиэтэ биллэ эргэрдэ. Сыл аайы косметическай өрөмүөн ыытыллар буолан, дьиэ сэнэх туруктаах. Нэһилиэк олохтоохторо бу дьиэ оннугар саҥа элбэх хайысхалаах култуурунай-спортивнай комплекс тутуутун кэлэн барар үрдүк сололоох салайааччыларга, дьокутааттарга өрүү туруорсаллар.
Бу күннэргэ РФ сэнээтэрэ Сахамин Афанасьев СӨ Бырабыыталыстыбатын Бэрэссэдээтэлигэр Кирилл Бычковка маннык ис хоһоонноох суругу ыытта:
«Убаастабыллаах Кирилл Евгеньевич! Мин ааппар “Өймөкөөн улууһа” МТ баһылыгын э.т. С.Н. Можуковаттан Томторго элбэх хайысхалаах култуурунай-спортивнай комплекс тутуутун “Култуура” национальнай бырайыак чэрчитинэн 2025 сылга инвестиционнай бырагыраамаҕа киллэрэргэ туһаайыллыбыт официальнай суруга киирдэ. Томтор Өймөкөөн улууһун Тымныы полюһун быһыытынан биллэр аан дойдуга аатырар «Өймөкөөн – Тымныы полюһа» туристическай-рекреационнай кластеры сайыннарар туризм киинин быһыытынан биир биллэр-көстөр ураты култуурунай киининэн буолар. Бу суолталаах боппуруос сөптөөхтүк быһаарылларыгар эрэнэн туран, хоруйун суругунан ыытаргытыгар көрдөһөбүн.
Сэнээтэр суолталаах ыйытыгар СӨ Бырабыыталыстыбатын Бэрэссэдээтэлин солбуйааччы Дьулустаан Борисов маннык хоруйу ыытта:
“Өймөкөөн улууһугар Томторго элбэх хайысхалаах култуурунай-спортивнай комплекс тутуута РФ Култуура Министиэристибэтин «Култуура» национальнай бырайыагын чэрчитинэн, “Тыа сиригэр култуурунай-сынньанар тииптээх тэрилтэлэри тутуу уонна хапытаалынай өрөмүөннээһин” хайысханан сүүмэрдиир куонкуруска сайаапка киллэрэргэ былаанныыбыт. Билиҥҥи туругунан, РФ Култуура министиэристибэтэ куокуруска сүүмэрдээһин үлэтин саҕалыы илик. Маныаха эбии, СӨ Култуура уонна духуобунай сайдыы министиэристибэтэ СӨ Экэниэмикэ министиэристибэтин кытта бу эбийиэги СӨ Инвестиционнай бырагырааматыгар киллэрэргэ үлэлэһэр. Эбийиэги үбүлээһин боппуруоһа “2024 сылга уонна былааннаммыт 2025-2026 сылларга СӨ судаарыстыбаннай бүддьүөтүн туһунан” сокуоҥҥа уочараттаах көннөрүүлэри киллэриигэ көрүллүөҕэ”.
Томтор олохтоохторо бу сонуну улуустааҕы «Северная заря» уонна «Хотугу сардаҥа» хаһыаттартан олус үөрэ аахтылар, иһиттилэр. Сахамин Афанасьев Халыма-Индигир уокуругар төһө да кылгас кэмҥэ Ил Түмэн дьокутаатынан үлэлээтэр, Өймөкөөн улууһун үгүс суолталаах боппуруостарын оннуттан хамсаппытын махтана бэлиэтиилэр уонна билигин дойду сэнээтэрэ буолан олорон, салгыы улуус сайдыытыгар туһуламмыт кэскиллээх боппуруостары быһаарсыыга көхтөөх үлэни ыытарыгар истиҥ махталларын тиэрдэллэр.
Байыаннай дьайыы кытыылаахтарыгар көмө-тирэх, өйөбүл буолар санаалаах улууспут дьоно-сэргэтэ сомоҕолоһоллорун күннэтэ көрөбүт. Улуустааҕы «Помощь волонтера…
Кыһыммыт ыган кэллэ, тымныылар саҕаланнылар... Ичигэстик таҥнар кэм буолла. Ону кытта тэбис-тэҥҥэ тугу кэтиэххэ, хайдах…
Күн-дьыл туруга бу күннэргэ хайдаҕый? Киин улуустарга хаар түһэрэ күүтүллүбэт. Булуҥ улууһугар сорох сирдэринэн сөкүүндэҕэ…
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…