Бу күннэргэ Өймөкөөн улууһугар ыытыллар Олоҥхо ыһыаҕар бэлэмнэнии чэрчитинэн араас хайысхалаах үгүс үлэ барар.
Муус устар 17 күнүгэр улуус баһылыгын э.т. Александр Иванов Дьокуускай куорат мээрэ Евгений Григорьевы кытта көрүстэ. Көрсүһүүгэ улуустааҕы дьаһалта экэнэмииһэ Саргылаана Алексеева, култуура управлениетын салайааччытын солбуйааччыта Мария Максимова, улуус уопсастыбаннаһыттан Өймөкөөн аатырбыт сылгыһыта, айанньыт Дугуйдан Винокуров, улуустааҕы биир дойдулаахтар түмсүүлэриттэн Евгения Винокурова кыттыыны ыллылар.
Өрүттэр Олоҥхо ыһыаҕын тэрээһинигэр сыһыаннаах боппуруостары дьүүллэстилэр. Ол курдук, улуус баһылыгын э.т. Александр Иванов куорат баһылыга Евгений Григорьевтан балааккалары, ыһыах кэмигэр быылы намыратары хааччыйар уу баһар массыынаны уларсарга көрдөстө. Маны тэҥэ, айаҥҥа дьону таһар оптуобустар боппуруостара көрүлүннэ.
Өймөкөөн улууһун уопсастыбаннаһа бу күннэргэ Дьокуускай куоракка экстремальнай усулуобуйаҕа саха атынан Өймөкөөн аатырбыт айанньыта Дугуйдан Винокуровы кытта көрсүһүүнү бэлэмниир былааннаах. Тэрээһин Олоҥхо ыһыаҕар туһуламмыт аахсыйалаах буолуоҕа. Куорат мээрэ Евгений Григорьевы кытта көрсүһүүгэ Өймөкөөн улууһун бэрэстэбиитэллэрэ өйөбүл көрдөөбүттэригэр, баһылык тута Ю.А. Гагарин аатынан Култуура уонна ускуустуба киинин салалтатын кытта кэпсэтэн, ыам ыйын 18 күнүгэр култуура бөдөҥ уораҕайын саалатыгар суолталаах тэрээһин буолара былааҥҥа турда.
Аатырбыт айанньыт Дугуйдан Винокуров Дьокуускай куоракка Саха атын мусуойун тэрийэр былааннааҕын кэпсээн турар. Өймөкөөн улууһун бэрэстэбиитэллэрэ Өймөкөөн туризмы сайыннарыыга инники күөҥҥэ сылдьарынан сибээстээн, аан дойдуга Тымныы полюһунан аатырар бренди салгыы сайыннарар инниттэн Дьокуускай куорат таһыгар сир учаастагын тыырар боппуруоһу көтөхтүлэр. Бу икки бэйэ-бэйэлэрин кытта ыкса сибээстээх төрүөттэр тустарынан истэн баран, куорат мээрэ Евгений Григорьев Өймөкөөн улууһун бэрэстэбиитэллэрин кытта көрсүһүүтүн “туруорсуугутун сиһилии официальнай сурукка тиһиккэ тиһэн киллэриҥ, үөрэтиэхпит”, диэн түмүктээтэ.
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…