«Өймөкөөн» уонна «Амма» айан суолларынан сырыы тохтотулунна

Уус Маайа улууһугар «Амма»  уонна Өймөкөөн улууһугар «Өймөкөөн» айан суолларыгар быстах кэмҥэ тырааныспар сырыытын тохтоттулар диэн Саха сиринээҕи Суол управлениетын пресс-сулууспатыгар иһитиннэрдилэр.

Ол курдук, балаҕан ыйын 3 күнүттэн «Амма» суолга тырааныспар бары көрүҥнэригэр 419+600 км учаастагар айан сырыы бобулунна, оттон Уус Маайа оройуонугар  701+709 км учаастакка. Саха сиринээҕи Суол управлениетын бирикээһинэн күүстээх ардах түспүтүнэн сибээстээн, Акра уонна Сухой Ключ үрэхтэригэр уу таһыма үрдээһининэн, ону тэҥэ Ааллаах Үүн үрэҕи туоруур муостаҕа суол суураллыбытынан сабылынна.

Маны таһынан Саха сиринээҕи Суол управлениетын бирикээһинэн балаҕан ыйын 3 күнүттэн «Өймөкөөн» айан суол  0+000 – 91+000 км учаастагар тырааныспар бары көрүҥнэригэр сырыы тохтотулунна. Айан суол Тирэх үрэх, Агаякан уу таһыма үрдээһининэн, күүстээх ардах түспүтүн кэннэ гражданнар олохторун-дьаһахтарын, баайдарын-дуолларын харыстыыр сыалтан, куттала суох сырыыны хааччыйыыга суол сабылынна.