Хаартыска СӨ Быыһыыр сулууспатыттан
Өймөкөөн уонна Муома улуустарын сиригэр-уотугар күүстээх ардахтар түһэннэр, Индигиир өрүскэ уу таһыма үрдээбитэ бэлиэтэммитэ.
Нэһилиэнньэҕэ Арассыыйа МЧС авиатордара уонна быыһааччылара көмөлөһөллөр, РСЧС барыта 200-тэн тахса киһи, араас тэрилтэлэртэн 59 тиэхиньикэ үлэлииллэр.
РФ МЧС быыһааччылара Өймөкөөҥҥө нэһилиэнньэҕэ малларын-салларын таһыыга, сүөһүлэрин үүрүүгэ көмөлөһөллөр.
— Ууга барбыт нэһилиэнньэлээх пуунтан 110 киһи эвакуацияланна, ол иһигэр 39 оҕо баар. Быстах олорор пууҥҥа 33 киһи олорор, итинтэн 16 оҕо. Атыттар аймахтарынан, билэр дьоннорунан тарҕаһан олороллор. Маны таһынан, оройуон олохтоохторугар гуманитарнай көмө оҥоһулунна. Бүгүн өссө биир рейс гуманитарнай көмө кэлиэҕэ. Ол кэнниттэн МЧС авиациятынан оҕолору таһыахпыт, — диэн этэр СӨ ЫБММ сүрүн управлениетын начаалынньыгын солбуйааччы Александр Никифоров.
Биэдэмистибэ авиациятынан Уус Ньараттан Өймөкөөҥҥө диэри биир рейс оҥоһуллубут, 2,2 туонна наадалаах таһаҕас тиэрдиллибит: ас-үөл, балааккалар, көһөрүллэр куукуналар, мотопомпалар, фильтрдар, генератордар, оҥочолор, уо.д.а. Хамыыһыйа хоромньуну уонна дохсун ардах халааныттан ууга барбыт эбийиэктэри ааҕыыта салҕанар. Эрдэ иһитиннэриллибитинэн, Өймөкөөҥҥө 5 нэһилиэнньэлээх пуун ууга барбыта, чуолаан 347 тиэргэн, 93 олорор дьиэ, «Өймөкөөн» (РАД) уонна «Халыма» (ФАД) айан суолларын учаастактара.
Муомаҕа Хонуу, Буор Сыһыы, Кулун Өлбүт нэһилиэнньэлээх пууннарыгар ардах халаанын түмүгэр, намыһах сирдээх учаастактар ууга барбыттара, чуолаан 29 тиэргэн. Улуус дьаһалтата эрдэттэн 385 миэстэлээх быстах кэмҥэ олорор үс пууну бэлэмнээбитэ. Билигин олортон биирдэстэригэр 24 киһи, ол иһигэр 15 оҕо олорор.
—Оройуон сиригэр-уотугар балаһыанньаны көрө-истэ, кэтии олорорго хонтуруол олохтоммута. Балаһыанньа уустугурар түгэнигэр тута биэдэмистибэ быыһааччыларын суһаллык ыытарга бэлэммит. Билигин оройуоҥҥа РСЧС 100 киһи уонна 16 тиэхиньикэ үлэлииллэр, — диэн этэр Александр Дмитриевич.
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…
Арассыыйа Дьоруойа Геннадий Трошев аатынан кадетскай оскуола-интэринээт иитиллээччилэрэ Кириэмил Баалыгар кыттыыны ылыахтара, диэн Мииринэй улууһун…
2023 сыл тохсунньутугар ФАПК «Якутия» АУо тэрилтэтигэр утах кутар лииньийэҕэ көрөр-истэр үлэһит дьахтар эчэйбит. Үлэ…