Хаартыска: сахагов.
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ киирдэ.
Киинэ саалатын «Аймакан» диэн ааттаатылар. Ол аата эбээн тылыттан тылбааһа “күн тахсыыта” диэн. Олохтоохтор Саҥа дьыллааҕы бэлэхтэн үөрүүлэрэ муҥура суох.
“Былааҥҥа номнуо «Тооку уонна Чысхаан» ойуулугу туруордубут. Олохтоохторго көрдөрүөхтээх киинэ үгүс. Сыыйа барытын наардаан былааҥҥа туруоруохпут”, — диэн нэһилиэк этнокультурнай киинин салайааччыта Аяна Эверстова санаатын үллэһиннэ.“Үчүгэй” таба хаһаайыстыбатын дириэктэрэ Павел Сивцев: «30 үлэһит билигин ыстаадаҕа үлэлии сылдьар. Кинилэри атыттар солбуйдахтарына, ыраах тыаҕа сылдьар дьон үчүгэй хаачыстыбалаах киинэлэри көрөн, үөрүөхтэрэ, — диэн бэлиэтээтэ.
Үчүгэй –төрүт олохтоох эбээннэр олохсуйан олорор национальнай нэһилиэктэрэ. Манна сүрүннээн “Үчүгэй” таба хаһаайыстыбатын ыстаадаларын табаһыттара олороллор. Бу мантан, төрөөбүт Үчүгэйиттэн, ыраах Москваҕа уонна Магадаан уобалаһыгар удьуор сылгыһыт Дугуйдан Винокуров саха атынан иккитэ төхтөрүйэн айаҥҥа турунан, тус соругун сиппитэ.
РФ Бэрэсидьиэнэ Владимир Путин сорудаҕынан Саха сирин «Экстра Синема» бырайыага “Дьиэ кэргэн” Национальнай бырайыакка киирбитэ. 2024 сыллаахха «Экстра Синема» аан дойдутааҕы таһымҥа тахсыбыта: Индия Тиху куоратыгар (Ассам штат) бастакы саҥа киинэ саалата омук сиригэр аһыллыбыта. 2026 сылы Ил Дархан Култуура сылынан биллэрбитэ. Бэйэтин анал этиитигэр Айсен Николаев “култуурунай-историческай нэһилиэстибэбитин үйэтитии, кэм тыыныгар култуура уонна ускуустуба айар кыаҕын сайыннарыы уонна өрөспүүбүлүкэ хас биирдии олохтооҕун, үүнэр көлүөнэбит култуурунай таһымын үрдэтии буолуоҕа” диэн сүрүн соругу бэлиэтээбитэ.
Сиһилии https://www.sakha.gov.ru/news/18160 сигэнэн аах.
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…
Дьокуускай борокуратуурата 33 саастаах дьахтарга тэриллибит холуобунай дьыалаҕы буруйдааһыны бигэргэттэ. Бу туһунан СӨ Борокуратууратын телеграм-ханаалыгар…
Илиҥҥи халандаарынан үүнэр 2026 сыл Уот кыһыл ат сыла дииллэр. Сахалар сылгынан билгэлэрэ үгүс. Онтон…