Хаартыска: Ульяна Захарова тиксэриитэ.
Тымныы Полюһунан аатырар Өймөкөөн олохтоохторо Ульяна уонна Филипп Захаровтар кэлиҥҥи сылларга Олоҥхо ыһыаҕар сыл аайы анаан бэлэмнэнэн кытталлар.
Улууска бу айар куттаах ыал кыттыбатах тэрээһиннэрэ диэн суох, кинилэрэ суох биир да суолталаах ыһыах барбатын кэриэтэ. Сыл аайы араас улуустарга ыытыллар Олоҥхо ыһыахтарыгар кыттыыларын туһунан барытыгар талааннаах эдэр ыал маанылаах ийэтэ Ульяна Захарова маннык кэпсээтэ:
— 2018 сыллаахха Алдан куоратыгар ыытыллыбыт Олоҥхо ыһыаҕар сылдьан баран, олус сөбүлээбиппит. Онтон ыла кэргэммин кытта биир да ыһыаҕы көтүппэппит. Филипп оһуохайга идэтийэн эрэрин бэлиэтиибин. Бэйэтэ Мэҥэ Хаҥалас улууһун 1-кы Наахара нэһилиэгин Тиэлиги бөһүөлэгиттэн төрүттээх. Кини мин Өймөкөөммүн сөбүлээн, манна олохсуйбуппут. Онон Тымныы полюһа иккис дойдутунан буолла. Биһиги Хабаровскайга Уһук Илиҥҥэ СӨ бастайааннай бэрэстэбиитэлистибэтин үбүлүөйдээх, Томпо Мэҥэ Алданын Байаҕантай улуустарын ыһыахтарыгар, онтон Үөһээ Бүлүүгэ, Аммаҕа, Өймөкөөҥҥө буолбут Олоҥхо ыһыахтарыгар сылдьан, араас куонкурустарга кыттан, биллэ уопутурдубут.
Быйыл биһиги курдук бырамыысыланнас муҥутаан сайдыбыт араас омук олорор оройуонугар ыытыллар буолан, тэҥнээн көрүөх баҕа баһаам. Урукку сылларга ансаамбылынан куонкурус элбэх эбит буоллаҕына, быйыл үксэ “сольнай” буолбут эбит. Өймөкөөн нэһилиэгиттэн биһигини кытта Ньургун уонна Аксинья Гермогеновтар барыахтара. Ханна тиийдибит да, култуура үлэһиттэрин сиэринэн, өрүү көрө-истэ, уопут атастаһа, үөрэтэ сылдьабыт. Төрдүөн бииргэ кытта үөрүйэх буолан, элбэх ыһыахтарга сылдьан, туох сонуну, кэрэхсэбиллээҕи көрбүппүтүн, дойдубутугар кэлэн олоххо киллэрэбит. Онон атын айар кэлэктииптэри,биирдиилээн толорооччулары көрө-истэ сылдьан, нүөмэрдэрбитин толорор таһыммыт да тубуста. Нерюнгригэ буолаары турар Олоҥхо ыһыаҕар ох курдук оҥостон, сотору кэминэн ыраах айаҥҥа турунаары сылдьабыт.
Тымныы полюһун иллээх, талааннаах эдэр ыалларыгар Олоҥхо ыһыаҕын бары куонкурустарыгар ситиһиилээхтик кыттан, кыайыы кынаттанан кэлэллэригэр баҕарабыт.
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…