Хаартыска: Мария Васильева, ЯСИА.
Билайн оператор аан дойду үрдүнэн тымныытынан аатырбыт «Тымныы Полюһугар» — Өймөкөөн сэлиэнньэтигэр 4G интэриниэти холбоото.
Ыытыллыбыт үлэлэр көмөлөрүнэн олохтоохтор мобильнай интэриниэтинэн хааччылыннылар.
Өймөкөөн сэлиэнньэтигэр 500-чэ киһи олорор, үгүстэрэ табаны, сүөһүнү иитиинэн, балыктааһынынан, булдунан дьарыктаналлар. Кыһынын салгын температурата –50°С буолар. Сэлиэнньэ Дьокуускайтан тыһыынча килэмиэтир тэйиччи сытар уонна сылы эргиччи айан-сырыы куруук баар буолбат. Дьыл икки ардыларыгар сөмөлүөтүнэн эрэ сырыы баар.
Өймөкөөҥҥө температура хамсааһына 100 °С тэҥнэһэр. Кыһын саамай тымныйа сылдьыбыт температура — −67,7°С, бу рекорд 1994 с. ыаллыы сытар Томтор сэлиэнньэтигэр олохтоммута. Манна Өймөкөөн метеорологическай ыстаансыйата баар. Оттон сайынын +30 °С, 2010 сыллаахха рекорд +34,6 °C кыраадыс буола сылдьыбыта.
Өймөкөөн олохтоохторун «төрдүс көлүөнэ» мобильнай интэриниэтинэн хааччыйар инниттэн, билайн тиэхиньиичэскэй исписэлиистэрэ сэлиэнньэҕэ номнуо баар ситими саҥардан биэрдилэр. Эрдэ бу ситиминэн олохтоохтор төлөпүөнүнэн кэпсэтэр уонна смс-иһитиннэриилэри ыытар этилэр. Атын оператордар сэлиэнньэҕэ үлэлээбэттэр.
«Бу Саха сиригэр баар Билайн хамаандатыгар суолталаах уонна күүтүүлээх хамсааһын буолла. Өймөкөөн планета үрдүнэн биир саамай тыйыс килиимэттээх сиринэн буолар. Биһиги бу экстремальнай усулуобуйалардаах сир олохтоохторун сибээһинэн хааччыйабыт. Биһиэхэ бу көннөрү технологическай бырайыак эрэ буолбакка, дьон олоҕун хаачыстыбатын тупсарыы буолар. Олохтоохтор чугас дьоннорун кытта быыстала суох кэпсэтэн эрэ буолбакка, интэриниэт-сервистэри туһанар кыахтаннылар,» — диэн Билайн Саха сиринээҕи салаатын дириэктэрэ Вадим Пеньков этэр.
Ыытыллыбыт үлэлэр олохтоохтор сибээстэһэллэригэр эрэ буолбакка, муусука, аудио-кинигэ, подкаст истэллэригэр, социальнай ситимнэргэ хаартыска угалларыгар, мессенджердэргэ куолас уонна видео көмөтүнэн иһитиннэриилэри ыыталларыгар, Дьокуускайга, улуус киинигэр айаннаабакка судаарыстыбаннай өҥөлөрү түргэнник ылалларыгар кыахтары арыйаллар.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…