Өймөкөөҥҥө быыһааччылар көттүлэр

Өймөкөөн улууһугар өрүстэр уонна үрэхтэр хааларыттан тахсан, оройуоҥҥа ыксаллаах быһыы-майгы эрэсиимэ биллэрилиннэ.

Улуус баһылыга Александр Оконешников иһитиннэрбитинэн, бүгүн Дьокуускайтан 11 чааска быыһааччылардаах бөлөх тустаах тэриллэрин илдьэ бөртөлүөтүнэн Өймөкөөҥҥө көттө.

«Уус-Ньараҕа алта киһи сөмөлүөтүнэн көтүөҕэ. Мин Томторго тиийэн, балаһыанньаны миэстэтигэр тиийэн хонтуруоллуом. Айылҕа күүһүн утары барбыт суох. Бу уустук күннэри бары бииргэ өйдөһөн, өйөһөн этэҥҥэ туоруох», — диэн улуус баһылыга Александр Оконешников социальнай ситимнэринэн ыҥырар.