Хаартыска: Тамара Винокурова.
Бүгүн СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников Өймөкөөн уонна Абый улуустарыгар халаан содулларын туоратар бырабыыталыстыба хамыыһыйатын мунньаҕын ыытта.
Бу улуустарга чөлүгэр түһэрии үлэтин ыытыыга эбии күүс салгыы ыытыллар. Ол курдук, атырдьах ыйын 31 күнүгэр тыа хаһаайыстыбатын министиэристибэтэ анал биригээдэни ыыппыта: бастакы массыына балаҕан ыйын 1 күнүгэр кэллэ, иккис балаҕан ыйын 3 күнүгэр тиийиэхтээх. Балаҕан ыйын 2 күнүгэр СӨ успуорка министиэристибэтиттэн 13 киһилээх биригээдэ, ону тэҥэ СӨ Бэтэринээринэй управлениетыттан биэс исписэлиис барара былааннанар.
Олорор дьиэни чөлүгэр түһэриигэ, дьиэлэрин-уоттарын бүтүннүү сүтэрбит ыалларга анаан элбэх кыбартыыралаах дьиэ тутуута салҕанар. Бары үлэ балаҕан ыйын 30 күнүгэр түмүктэнэрэ былааннанар. Алдьаммыт олорор дьиэлэри чөлүгэр түһэриигэ ситэриилээх былаас уорганнарын биригээдэлэрэ кытталлар. 89 дьиэттэн 69-һа чөлүгэр түһэриллибит, 20 дьиэҕэ үлэ түмүктэниэхтээх. Судаарыстыбаннай өҥөлөр биир кэлим порталларынан биир кэлим материальнай уонна үп-харчы көмөтүгэр сайаапкалары ылыы атырдьах ыйын 17 күнүгэр түмүктэммитэ, атырдьах ыйын 27 күнүгэр диэри бары сайабылыанньалар көрүллүбүттэрэ. Уопсайа 2631 сайабылыанньа киирбит, онтон 1592 көдьүүстээх быһаарыы ылылынна.
Тутуу министиэристибэтин нөҥүө эмсэҕэлээбит дьиэлэргэ биир кэмнээх төлөбүр улуустарынан тыырылынна. Хапытаалынай өрөмүөн испииһэгэр киирбит дьиэлэргэ төлөбүрү оҥорон эрэллэр.
Сиһилии: https://www.sakha.gov.ru/news/11003
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…