Өймөкөөҥҥө Дьокуускай куорат дьаһалтатыттан доброволецтар иккис бөлөҕө айаннаата

Дьокуускай куорат дьаһалтатын мобильнай бөлөҕө Өймөкөөн улууһугар халаан уутуттан эмсэҕэлээбит сэлиэнньэлэр олохтоохторугар көмөҕө айаннаата, диэн Дьокуускай куорат дьаһалтатын пресс-сулууспата иһитиннэрэр.

Бу иннинэ Өймөкөөнтөн киин куорат дьаһалтатын доброволецтарын бастакы бөлөҕө төннөн кэлбитэ. 7 киһилээх биригээдэ 10 күн устата Хара Тумул сэлиэнньэтигэр үлэлээн, үс дьиэни чөлүгэр түһэрбитэ.

Санатар буоллахха, киин куорат хас биирдии олохтооҕо халаантан эмсэҕэлээбит Өймөкөөн улууһун олохтоохторугар көмөнү оҥоруон сөп. Дьокуускай куорат баһылыга Евгений Григорьев сорудаҕынан, Гуманитарнай көмө киинэ үлэлиир.

Гуманитарнай көмөнү тутар пуун бу аадырыһынан үлэлиир: Дьокуускай к., Ярославскай уул., 21 (26-с №-дээх оскуола, 1 этээс).

Сибээстэһэр төл.: 8-924-760-54-30 (Федорова Надежда Петровна).