Хаартыска: Тамара Винокурова түһэриитэ.
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар.
Бу туһунан улуустааҕы»Хотугу сардаҥа» хаһыат уопсастыбаннай кэрэспэдьиэнэ Тамара Винокурова маннык иһитиннэрдэ:
— Өймөкөөн нэһилиэгэр эмчиттэр иккис биригээдэлэрэ кэлэн үлэлии олорор. Кинилэр нэһилиэктэринэн солбуһа сылдьан үлэлиилэр. Быраастар мобильнай биригээдэлэрин Изабелла Тихонова салайар.
Кини бэлиэтээбитинэн, бүгүҥҥү күҥҥэ Өймөкөөн, Томтор, Сордоҥноох нэһилиэктэрин олохтоохторун доруобуйаларын чинчийбит быраастар 335 киһини көрдүлэр, онтон 70 — оҕо. Быраастар иккилии биригээдэнэн үстүү-түөртүү күн нэһилиэктэринэн хоно сылдьан, дьон доруобуйаларын туругун көрөллөр. Лабораннар анаалыс көрдөрүүтүн тута таһаарар буолан, быраастар ыарыһахтары олохтоохтук көрөллөр-истэллэр. Эмчиттэр бэйэлэрин кытта эмп-томп аҕалбыттар, ол ону көрбүт-истибит ыарыһахтарыгар эмтэнэллэригэр босхо биэрэллэр.
Үс ыарыһахха тута көмө оҥоһулунна. Ол иһигэр биир оҕону куоракка ыытан, суһаллык эрэрээсийэлэннэ. Үс киһиэхэ искэн ыарыытыгар бэрэбиэркэлэнэ барарга сүбэлээтилэр. Өрөбүллэргэ Өймөкөөн, Хара Тумул, Биэрэк Үрдэ нэһилиэктэрг сылдьан баран, бэнидиэнньиктэн сэрэдэҕэ диэри үс күн устата быраастар бөлөхтөрө Үчүгэйгэ үлэлиэхтэрэ.
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…
Ааспыт сууккаҕа Саха сиригэр икки буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ахсынньы 16 күнүгэр Дьокуускай куоракка өр күүтүллүбүт «Патриот» ыччат киинин үөрүүлээх арыллыыта буолла. Бу –…
Уус Алдан улууһун Кэптэнитигэр “Хаарбах туруктаах дьиэттэн көһөрүү" бырагырааманан саҥа таас дьиэ үлэҕэ киирдэ. Бу…
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…