Өймөкөөҥҥө эр киһи биир түүн иһигэр икки дьиэни халаабыт

ИДьМ сулууспатын Өймөкөөн улууһун салаатын дьуһуурунай чааһыгар биир кэмҥэ икки олохтоох киһиттэн даача дьиэлэриттэн баай-дуол уоруллубутун туһунан сайабылыанньалар киирбиттэр.

Биир түбэлтэҕэ матырыйаалынай хоромньу 34 тыһ. солк. кэриҥэ тэҥнэспит, оттон атыныгар – 32 тыһыынча солкуобай. Ыытыллыбыт суһал-ирдиир дьайыылар түмүктэригэр холуобунай ирдэбил үлэһиттэрэ Саха сиринээҕи ИДьМ Холуобунай ирдэбилгэ управлениетын кэллиэгэлэрин кытта кыттыһан уорбаланааччыны быһаардылар. Урут баайга-дуолга сыһыаннаах буруйу оҥорон сууттана сылдьыбыт 46 саастаах эр киһи буолара биллибит.

РФ Холуобунай кодексатын 158-с ыстатыйатын 2-с чааһынан («Уоруу») холуобунай дьыалалар тэрилиннилэр, диэн Саха сиринээҕи ИДьМ пресс-сулууспата иһитиннэрэр.