Ил Дархан уонна Бырабыыталыстыба пресс-сулууспата
Халаан иккис долгунун содулун туоратыыга нэһилиэнньэҕэ көмөнү оҥорорго Өймөкөөн улууһугар эбии күүһү ыыттылар.
Бу туһунан СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников иһитиннэрдэ.
«Өрөспүүбүлүкэ баһылыга Айсен Николаев сорудаҕынан, билигин оройуоҥҥа эбии күүстэри ыытан эрэбит. Бүгүн онно тырааныспар, ОДьКХ уонна энергетика министиэристибэлэрин исписэлиистэрин анал бөлөҕө айаннаата. Субуотаҕа кинилэргэ ОДьКХ уонна энергетика, тутуу министиэристибэлэрин исписэлиистэрин иккис хамаандата холбоһуоҕа. Бэнидиэнньиккэ бырамыысаланнас уонна инновация министиэристибэлэрин исписэлиистэрэ тиийиэхтэрэ», — диэн Дмитрий Садовников бэлиэтээтэ.
Ил Дархан уонна Бырабыыталыстыба пресс-сулууспата иһитиннэрбитинэн, бу күннэргэ Өймөкөөн нэһилиэгэр уонча быыһааччылаах СӨ нэһилиэнньэ олоҕун куттала суох буолуутун хааччыйар миниистири бастакы солбуйааччы Айаал Вензель салайааччылаах анал бөлөх үлэлиир. Быыһааччылар ууга барбыт дьиэлээх олохтоохторго тустаах көмө оҥороллор уонна халаан балаһыанньатын хонтуруоллууллар.
Гидрометсулууспа иһитиннэрбитинэн, Индигиир өрүс үөһээ тардыытыгар уонна салаатыгар сөҥүү түһүүтэ тохтообут. Юрта, Агайакаан, Уус-Ньара уонна Ала-Чубук гидропостарыгар уу таһыма түһэн эрэр. Өймөкөөн гидропоһугар олохтоох бириэмэнэн 21:00 чааска уу таһыма 511 см (-1 см), критическэйэ — 480 см. Кэлэр 24 чаас иһигэр уу таһыма күүскэ үрдүүрэ сабаҕаламмат.
Халаан иккис долгунун түмүгэр 30-ча тиэргэн ууга баран турар. От ыйынааҕы халаантан эмсэҕэлээбиттэртэн 2620 сайабылыанньа киирдэ, онтон 1911 сайабылыанньа — биир кэмнээх үп-харчы көмөтүгэр, 707 олоххо наадалаах баай-дуол сүппүтүнэн сибээстээн үп-харчы көмөтүгэр, 2 киһи доруобуйатыгар хоромньуну ылбытын түмүгэр биир кэмнээх төлөбүргэ киирдэ. Итинтэн 1547 сайабылыанньаҕа сөптөөх быһаарыы ылылынна.
От ыйын 31 күнүттэн мобильнай биригээдэлэр көмөлөрүнэн сылааһынан хааччыйар эбийиэктэргэ чөлүгэр түһэрии үлэтэ саҕаламмыта. Атырдьах ыйын 20 күнүгэр ол үлэ түмүктэннэ.
Сиһилии: https://www.sakha.gov.ru/news/10372 сигэнэн аах.
Дьокуускай куорат борокуратуурата 31 саастаах киһи түөкүннээһинин дьыалатын суукка ыытта. Бу туһунан СӨ Борокуратуурата иһитиннэрэр.…
Ахсынньы 15 күнүгэр Дьокуускайга "Патриот" киин арыллыаҕа. Бу ыччакка улахан суолталаах киин буолар. Бу туһунан…
Дьокуускайга ахсынньы 9 күнүгэр "Арассыыйа -- мин устуоруйам" пааркаҕа Аҕа дойду Дьоруойдарын чиэстээтилэр. Бу суолталаах…
2024 сылга «Полярные авиалинии» авиахампаанньа Маҕаннааҕы авиационнай-техническэй баазатын авиатехнига Арассыыйа Федерациятын Оборуонаҕа министиэристибэтин кытта хантараак…
Саха сирэ "Бессмертный полк России" Бүтүн Арассыыйатааҕы хамсааһын пуорумугар "Прорыв года" диэн номинацияҕа кыайыылаах таҕыста.…
Ленскэй оройуоннааҕы ИДьМ дьуһуурунай чааһыгар олохтоох киһи матасыыкылын уордарбытын туһунан иһитиннэрбит. Эмсэҕэлээччи эппитинэн, 25 тыс.солк.…