Хаартыска: sakha.gov.ru
Өймөкөөн сэлиэнньэтигэр түөрт кыбартыыралаах олорор дьиэни түргэтэтиллибит тэтиминэн үлэҕэ киллэрэри былаанныыллар.
Дьиэ түөрт кыбартыыратыттан үһүн халаантан эмсэҕэлээбит ыаллар ылыахтара. «Эбийиэги Өймөкөөн улууһугар былааннаммыт болдьоҕуттан эрдэ үлэҕэ киллэрэри былаанныыллар. Урут сүрүн үлэлэр 2026 сыллаахха салҕаныахтара диэн былааннанара. Ол эрээри, быйыл эбии үбүлээһин көрүллүбүтэ олорор дьиэни үлэҕэ киллэрии биллэрдик түргэтэтэр кыаҕы биэрэр. Сөптөөх быһаарыыны сайыҥҥы халаан содулун туоратыыга СӨ Ил Дарханын Айсен Николаев сорудаҕын толоруу чэрчитинэн ылыллыбыта», – диэн тутуу миниистирин бастакы солбуйааччыта Евгений Афанасьев иһитиннэрдэ.
Эбийиэк тутуута 2024 сыллаахха саҕаламмыта. Түөрт кыбартыыралаах дьиэ уопсай иэнэ 249,3 кв.м. тэҥнэһэр. Бүгүҥҥү туругунан тутуу үлэтин 40-ча бырыһыана толоруллубут, ол иһигэр дьиэни тутуу сүрүн түһүмэхтэрэ: акылаатын ууруу, эркиннэрин туруоруу, кырыыһатын оҥоруу. Билигин ис отделка үлэлэрин түмүктээһиҥҥэ туһуламмыт наадалаах матырыйааллары аҕалыыны тэрийиигэ уонна тутуу салгыы түһүмэхтэрин бэлэмнээһиҥҥэ дьаһаллар көхтөөхтүк ыытыллаллар.
Эбийиэк Саха Өрөспүүбүлүкэтин «Тыа сирин биир кэлимник сайыннарыы» судаарыстыбаннай бырагырааматын «Мин Сахам сирэ XXI үйэҕэ» үтүө дьыалалар өрөспүүбүлүкэтээҕи хамсааһын» биэдэмистибэ бырайыагын чэрчитинэн тутуллар.
Дойду сирин-уотун аҥаарыттан тахса өттүгэр сайыҥҥы күн-дьыл туруоҕа, салгын температурата нуорматтан үрдүк буолара күүтүллэр. Бу…
СӨ Дьокуускайдааҕы куорат суута РФ Холуобунай кодексатын 160-с ыстатыйатын 3-с чааһынан (сулууспалыыр балаһыанньатын туһанан бэйэҕэ…
"Детдомҥа барыахпын баҕарбыппын" диэн ытыы-ытыы саҥарар уолчаан видеота өрөспүүбүлүкэни тилийэ көттө. Онно оҕо саҥатыгар иһиллэринэн,…
Норуот фронунан байыаннай миэдиктэргэ анаан тус сыаллаах үп-харчы хомуйуута быйыл иккис сылын туолар. Бу кэм…
Дойдуга коронавирус саҥа «Стратус» көрүҥүнэн сүһүрүү түбэлтэтин ахсаана элбээн иһэр, билиҥҥи туругунан 384 киһи сыстыбыта…
Хатас сэлиэнньэтигэр суол быраабылатын кэһиини бэлиэтиир стационарнай комплекс үлэҕэ киирдэ. Бу туһунан Саха сиринээҕи Суолларын…