Хаартыска - СӨ Тырааныспарга министиэристибэтин телеграмыттан
Олоҥхо ыһыаҕын кэнниттэн Өймөкөөн улууһугар хас да хонуктаах күүстээх ардах түһэн, Куйдуһун муостата сууллан, Сордоҥноох нэһилиэгэр сырыы-айан харгыстанна.
Улуус баһылыгын э.т. Александр Иванов бу күннэргэ улуус мунньаҕын дьокутааттара, баһылыктара, салайааччылара кыттыылаах оройуоннааҕы Ыксаллаах быһыы-майгы мунньаҕын ыытта. Онон сүбэ мунньах быһаарыытынан, бу күннэргэ үөскээбит кыһалҕаны быһаарыыга былааннаах үлэ барар.
Сордоҥноох нэһилиэгин баһылыга Альберт Вензель иһитиннэрбитинэн, сайыҥҥы хасааһы — бурдугу, саахары, мас арыытын кыһыҥҥы суолунан сыл аайы эрдэ таһар буолан, бүгүҥҥү күҥҥэ барыта орун оннугар баар. «Бастаан утаа муоста алдьанан хаайтарбыт 16 киһини ЫБМ бөртөлүөтэ кэлэн, Томторго тиэрдибитэ. Икки туонна уматыгы илдьэн түҥэтэн, моой отчуттар ходуһаларыгар тахсан оттуу сылдьаллар», — диэн бэлиэтээтэ Альберт Вензель.
Оттон бу күннэргэ СӨ Тырааныспарга министиэристибэтин пресс-сулууспата бэйэтин саайтыгар иһитиннэрбитинэн, Куйдуһун муостатын өрөмүөннээһиҥҥэ туспа быһаарыы ылылынна. Ол курдук, министиэристибэ телеграмыгар этиллэринэн, чинчийии көрдөрбүтүнэн, 1979 сыллаахха тутуллубут 296 м мас муоста саахалланар туруктаах буолан, тирэхтэрэ уонна арыттара уларытыллан оҥоһуллуохтаах эбиттэр. Онон анал былаанынан 2014 сыллаахха саҥардыллан тутуллубут муоста систэрин бастакы арыта (пролет) оннунан хаалыаҕа, атыттара уларытыллыахтара. Маны таһынан, “Өймөкөөн” өрөспүүбүлүкэтээҕи айан суолун ардах уута сууйбут үс учаастагар (км 156+130, км 156+320, км 156+490) өрөмүөн бара турар.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…