Хаартыска -- Василий Поскачин тиксэриитэ
Быйыл Тымныы полюһа Өймөкөөн улууһун салалтата хаһааҥҥытааҕар да ситэриилээх былаас отчуотугар киирбит сүрүн боппуруостары быһаарыыга үлэлэһэр.
Ол курдук, соторутааҕыта Аартык бөһүөлэгэр 8 кыбартыыралаах дьиэ тутуллуута быһаарыллан, салайааччылар үлэ ыытыллар сирин көрөн-истэн кэлбиттэрэ. Бу күннэргэ улуустааҕы олох-дьаһах сайдыытын уонна үлэни-хамнаһы тэрийэр, быраабы хааччыйар сулууспа салайааччыта Василий Поскачин нэһилиэктэринэн сылдьан ситэриилээх былаас отчуотугар киирбит сүрүн боппуруостары быһаарсар соруктаах үлэлиир.
— Сордоҥноох нэһилиэгин олохтоохторо исписэлиистэргэ аналлаах олорор дьиэ суоҕунан сибээстээн, урукку сылларга нэһилиэктэн 40 км тэйиччи баар Сытыган Сылба бадараанын туһанарга тутуллубут дьиэни эргэриэн иннинэ олорор дьиэҕэ уларытан оҥорорго этии киллэрбиттэрэ. Нэһилиэк баһылыга Альберт Вензели кытта көрсөн, бу эбийиэги саҥардан, 4 кыбартыыралаах гына оҥорорго сүбэлэстибит.
Сотору кэминэн бу дьиэни анал идэлээх исписэлиистэринэн бэрэбиэркэлэтэн баран, салгыы үлэлэһиэхпит.
Маны таһынан, Сордоҥноохтон Томторго дылы барар суол устунан талах дэлби үүнэн, сорох сиргэ саахал тахсыан куттала баарын, олохтоохтор эмиэ сэрэтэн тураллар. Баһылыгы кытта ол сирдэри көрөн-истэн баран, эмиэ бу бопппуруоска салгыы үлэлэһиэхпит.
Сордоҥнооххо кэлиҥҥи сылларга Индигиир өрүс халаанныыр буолан, биэрэги бөҕөргөтөр үлэни ыытарга олохтоохтор ситэриилээх былаас отчуотун аайы туруорсаллар. Уу тоҥмутун кэннэ, ол сири тиийэн үөрэттибит. Тустаах инстанцияны кытта эмиэ үлэ ыытыллыаҕа.
Кыһыҥҥы суолу көрүүгэ-истиигэ аукциоҥҥа Томтор нэһилиэгин олохтоох урбаанньыта Александр Долженков кыайбыта.
Бу күннэргэ кини «Томтор-Өймөкөөн» айан суолун кыһыҥҥы сырыыга табыгастаах гына оҥорон бэлэмнээтэ.
Урбаанньыт аны “Томтор-Сордоҥноох” туһаайыынан суолу оҥорууга ылсыаҕа.
Өймөкөөн нэһилиэгэр нэһилиэк баһылыга Павел Ввасильевы кытта 2024 сылга бэс ыйыгар Байаҕантай улууһун нэһилиэктэрэ ыһыахтыыр сирдэрин көрдүбүт, — диэн улуус нэһилиэктэригэр командировкаҕа сырыытын туһунан Василий Поскачин билиһиннэрдэ.
Хотугулуу-Илиҥҥи федеральнай университекка үөрэххэ туттарсааччылар биир кэлим эксээмэн баалыгар уонна эбии тургутуулар түмүктэригэр эрэ буолбакка,…
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Дьокуускайга Киргизияттан төрүттээх эр киһи кыбартыыратыгар көҥүлэ суох сэттэ миграны бырапыыскалаабыт. ИДьМ Дьокуускай куорат 1-кы…
Ил Түмэн спикерэ Алексей Еремеев парламеҥҥа сэттис (уочараты таһынан) пленарнай мунньахха ыҥырар дьаһалга илии баттаата.…
Бүгүн, ыам ыйын 17 күнүгэр, Дьокуускай куорат Хатас бөһүөлэгэр олохтоох Мария Оконешникова сүүрэ сылдьан кыталыктары…
Бүтэһик сууккаҕа Дьокуускайга сааскы халаан уутун таһыма үрдүүрэ күүтүллэр. Бүгүн, ыам ыйын 17 күнүгэр, сарсыарда…