Өймөкөөҥҥө миэдиктэр биригээдэлэрэ үлэлиир

Өймөкөөн улууһугар олохтоохторго бастакы мэдиссиинискэй көмөнү оҥорорго элбэх хайысхалаах биригээдэ тэрилиннэ. Биригээдэҕэ 2 терапевт-быраас, эндокринолог, кардиолог, акушер-гинеколог, УЗИ-диагностик, офтальмолог, отоларинголог, педиатр, травматолог-ортопед, невролог,  психолог уонна 2 сиэстэрэ киирэллэр.

Биригээдэ  от ыйын 24 күнүгэр Өймөкөөҥҥө айаннаата. От ыйын 25 күнүттэн Өймөкөөн сэлиэнньэтигэр бырааска көрдөрүү саҕаланна, онно 10 киһи көрдөрүннэ, ол иһигэр 3 киһи дьиэтигэр. Биэрэк Үрдэ сэлиэнньэҕэ 3 киһини дьиэлэригэр көрдүлэр. Томтор сэлиэнньэтигэр уопсайа 60 киһи көрдөрүннэ: 47 улахан киһи уонна 13 оҕо. 2 киһини олорор сирдэригэр стационарнай эмтэниигэ ыыттылар, биир киһини — Докуускайга.  Биир киһи салгыы онкологияҕа чинчийиини ааһыаҕа.

Быраастар көһө сылдьар биригээдэлэрин үлэтэ өрөспүүбүлүкэ баһылыга Айсен Николаев сорудаҕынан атырдьах ыйын 7 күнүгэр диэри салҕанар.

Сиһилии: https://www.sakha.gov.ru/news/8931