Өймөкөөҥҥө, Муомаҕа сэлиэнньэлэр ууттан босхолоннулар

Күн бүгүн өрөспүүбүлүкэҕэ ууга барбыт сирдэргэ уу таһымын түһүүтэ бэлиэтэнэр. Өймөкөөн уонна Муома улуустарыгар нэһилиэнньэлээх пууннар бары ууттан босхолоннулар. Бу туһунан СӨ гражданскай оборуонаҕа уонна нэһилиэнньэ олоҕор куттала суох буолууга миниистирин бастакы солбуйааччы Айаал Вензель от ыйын 22 күнүгэр ыытыллыбыт брифинигэр иһитиннэрдэ.

Кини этэринэн, Өймөкөөн уонна Абый улуустарыгар ыксаллаах быһыы-майгы эрэсиимэ үлэлиир. Муома улууһугар үрдүк сэрэхтээх буолуу эрэсиимэ үлэлиир.

Сарсыарда 8 чаастаах туругунан, Абый улууһун Кэбэргэнэ сэлиэнньэтигэр 1 тиэргэн учаастага ууга баран турар.

Өймөкөөн оройуонугар уу таһыма күҥҥэ 2-16 см диэри намтыыр. Абый улууһугар уу таһыма 8 см, Муома улууһугар — 14 см түстэ.

“Билиҥҥи туругунан, улуустарга тахсыбыт хоромньу ааҕыллар. Өймөкөөн уонна Абый улуустарыгар бырабыыталыстыба бөлөҕө уонна быыһааччылар үлэлииллэр, гуманитарнай көмө тиэрдиллэр. Балаһыанньа хонтуруолланар. Бары суһал сулууспалар үрдүк сэрэхтээх буолуу эрэсииминэн үлэлииллэр”, — диэтэ Айаал Вензель.

Сиһилии: https://www.sakha.gov.ru/news/8660