Хаартыска: Тамара Винокурова тиксэриитэ.
Бу күннэргэ Өймөкөөн улууһугар толору оту тиэммит массыыналар «Халыма» федеральнай айан суолунан Өймөкөөн улууһун туһаайыытын тутуһан, субулла тураллар.
Өймөкөөн нэһилиэгин олохтооҕо Тамара Винокурова бу күннэргэ Өймөкөөн нэһилиэгэр икки массыына бэлэх от кэлбитин иһитиннэрдэ:
— Тыа хаһаайыстыбатын улуустааҕы управлениетын исписэлииһэ Елена Винокурова балаҕан ыйын 17 күнүгэр Өймөкөөн нэһилиэгэр толору урулуоннаах оту тиэммит икки ыарахан уйуктаах ыраах айан массыыналара кэлбиттэрин туһунан кэпсээтэ. Бу Нам улууһун Маймаҕа нэһилиэгин олохтоохторо Слепцовтар бааһынай хаһаайыстыбалара 32 туонна оту өймөкөөннөргө көмө гынан ыыппыттар.
Кэлбит оту 7 хаһаайыстыбаҕа (пиэрмэр, үлэ бэтэрээннэрэ, байыаннай дьайыы кыттыылаахтарын дьиэ кэргэттэрэ, аҕам саастаах дьон ) түҥэттилэр. Үтүө санаалаах, амарах сүрэхтээх Татьяна Саввична, Петр Николаевич Слепцовтарга нэһилиэк дьаһалтатын, олохтоохторун уонна бу улахан көмөҕө — бэлэх окко тиксибит дьон аатыттан барҕа махталбытын биллэрэбит. Маннык дьон биһиги ортобутугар олороллоро олус үөрдэр, санаабытын кынаттыыр, олоххо эрэли үөскэтэр. Үтүө дьыалаҕыт уон төгүл бэйэҕитигэр эргийдин диэн алҕыыбыт!
Урут оҕо сылдьан аҕабынаан убайбытыгар окко көмөлөhөрбүт. Киэhэ алааспытыгар, үүтээн таhыгар утуйаары сылдьан бары остуолга…
Хаҥалас улууһун 58 саастаах олохтооҕо быраатын өлөрөн, РФ Холуобунай кодексын 105 ыст. 1 ч. сууттанна. …
Өрүү сакалаат сиэххин, кофе иһиэххин баҕарар буоллаххына, эйиэхэ магнийдаах бородуукта тиийбэт диэн исписэлиистэр этэллэр. Оттон…
Былатыан Ойуунускай аатынан Саха академическай тыйаатыра бу айар сылга ураты суолталаах премьераны бэлэмниир. Өрөспүүбүлүкэ биллиилээх…
Бу нэдиэлэҕэ Дьокуускай куоракка 32 суол быһылаана тахсан, 3 киһи араас эчэйиини ыллылар. Бу туһунан …
Саха сиригэр былырыын иллэрээ сыллааҕар элбэх турист кэлэн барда. СӨ Урбаан, эргиэн уонна туризм министиэристибэтэ…