Хаартыска: СӨ Тыатын хаһаайыстыбатын пресс-сулууспата
От ыйын 25 күнүттэн СӨ Тыатын хаһаайыстыбатын уонна ас-үөл бэлиитикэтин министиэристибэтин, СӨ «Агропромышленнай комплексы ресурсанан хааччыйар киин» СХТ, СӨ «Тэхиниичэскэй инвентаризация бюрота» СБТ уонна Өймөкөөн улууһун тыатын хаһаайыстыбатын управлениетын исписэлиистэрин бөлөҕө Өймөкөөн улууһугар үлэлиир.
Бу туһунан СӨ Тыатын хаһаайыстыбатын пресс-сулууспата иһитиннэрэр. Оробуочай бөлөх Өймөкөөн, Биэрэк Үрдэуонна Хара Тумул нэһилиэктэринэн сылдьан, дьон чааһынай хаһаайыстыбатыгар баар 42 хотону көрдө. Салгыы докумуонунан үлэҕэ анаан аахталар оҥоһулуннулар.
1961-2020 сылларга тутуллубут мас тутуулар үксүлэрэ маннык алдьаныыны ылбыттар: истиэнэтин алдьаммыт, буор суураллан муостата ууламмыт уонна дьиэ иһэ сиигирбит. Тутуу конструкцията сууллубута эбэтэр хамсаабыта бэлиэтэммэтэ, ол да буоллар, бары эбийиэктэр суһаллык чөлүгэр түһэриллиэхтээхтэр.
Билиҥҥи туругунан оттуур сирдэр ууга тураллар, от үлэтэ саҕалана илик. Халаан түмүгэр 7 төбө ынах сүөһү өлбүтэ бэлиэтэннэ, ол иһигэр 6 ньирэй уонна 1 ынах. Билиҥҥитэ эбии сүтүк бэлиэтэммэтэх.
Сүөһү аһылыгар тахсыбыт уопсай хоромньу: 48 туонна от, 11 туонна комбикорм уонна 5 туонна бурдук аһылык. Үлэлиир бөлөх хоромньуну сыаналыыр үлэтин салгыаҕа.
Лэглэкэ учаастагар ыһыы иэнин көрүү, Томтор сэлиэнньэтигэр хотоннору уонна сири-уоту чинчийии, Орто Балаҕан сэлиэнньэтигэр хоромньуну ааҕыы уонна өйөбүл миэрэтин оҥорон таһаарарга анаан хомуллубут дааннайдары докумуонунан ырытыы былааннанар.
Бу кэмҥэ бааҥҥа уурунуу харчылар дойду олохтоохторугар барыыһа суох буолуохтара, онтон ипотека кирэдьииттэрэ чэпчиэхтэрэ. РФ…
Хайдах сытан утуйарыҥ доруобуйаҕар эмиэ улахан суолталаах. Учуонайдар хайалара ордук буортулааҕын быһаарбыттар, диэн суруйар…
«Объясняем.рф» саайт РФ Үөрэҕириитин министиэристибэтин «Оскуола иннинээҕи үөрэхтээһин федеральнай бырагырааматын бигэргэтии туһунан» 1028 №-дээх Ыйааҕар…
От ыйын 26 күнүттэн Суол быраабылаларын саҥа уларыйыылара күүстэригэр киирэллэр. Ол курдук, анал бэлиэлээх массыына…
Эдэрдэри үөрэн-көтөн эҕэрдэлиир массыыналар суоппардара суолга кутталлаах быһыыны-майгыны үөскэппиттэр, сорохторо төлөммөтөх ыстарааптаах буолан биэрбиттэр. Бэҕэһээ…
Ханнык баҕарар тимир көлө мотуорун арыыта кэмигэр уларытыллан иһиэхтээх. Тиэхиньиичэскэй ирдэбил, быраабыла быһыытынан, тимир көлө…