Хаартыска: СӨ Тырааныспар уонна суол хаһаайыстыбатын министиэристибэтин пресс-сулууспата.
Бу күннэргэ Өймөкөөн улууһугар тырааныспар уонна суол хаһаайыстыбатын миниистирэ Владимир Сивцев салайар бөлөҕө ситэриилээх былаас уорганнарын отчуотун ыыта сылдьар.
Бэҕэһээ, олунньу 4 күнүгэр, улуус киинигэр Уус Ньараҕа бэрт элбэх, саала толору киһи кэлэн, былаас отчуотугар кыттыыны ылла.
Миниистир Владимир Сивцев былырыыҥҥы отчуот боротокуолугар киирбит боппуруостар хайдах туолбуттарын сиһилии ырытта. Онно бэлиэтэммитинэн, Өймөкөөн улууһун киинигэр ааспыт сылга 3 км кэриҥэ усталаах суол өрөмүөннэннэ. Ол курдук, Коммунистическай, Советскай, Андрианов киин уулуссалар уонна Трудовой, Гагарин бөһүөлэк кытыы уулуссаларын өрөмүөнүгэр өрөспүүбүлүкэтээҕи Суол пуондатыттан 25,6 мөлүйүөн солкуобай көрүллүбүт.
“2024 сыллааҕы куонкурус түмүгэр Уус Ньара бөһүөлэгин дьаһалтатыгар 2,13 килэмиэтир уһуннаах уулуссалары өрөмүөннүүргэ Суол пуондатыттан 20,2 мөл. мөлүйүөн солкуобай тыырыллыбыта», — диэн бэлиэтээтэ отчуокка миниистир Владимир Сивцев.
Федеральнай суоллар өрөмүөннэрин туһунан ырытарыгар, миниистир “Халыма” федеральнай айан суолун “Заячья петля” диэн 28 км тахса уһуннаах олус уустук, араас быһылаан, саахал тахсар суол учаастага саҥардыллыбытын бэлиэтээтэ.
Маны тэҥэ, Өймөкөөн улууһун дьаһалтатыгар «Халыма» федеральнай айан суолуттан Төрүт нэһилиэгэр диэри 7,10 км уһуннаах муниципальнай суолу өрөмүөннүүргэ 2025 сылга Суол пуондатыттан 4,9 мөлүйүөн солкуобай суумалаах субсидия көрүллүбүтүн иһитиннэрдэ.
Миниистир Владимир Сивцев өрөспүүбүлүкэтээҕи трассаларга ыытыллыбыт үлэ туһунан билиһиннэрэригэр Өймөкөөн улууһунааҕы Куйдуһун уонна Күбүмэ үрэхтэри туоруур муоста тутуллубутун эмиэ бэлиэтээтэ. Былырыын баччаҕа миниистир сууллан турар Куйдуһун муостатынан айаннаан иһэн, “эһиил отчуоттуур кэммитигэр саҥа муостанан ааһыахпыт” диэн эппитэ туолан, быйыл алтынньыга муоста тутуллан үлэҕэ киирбитэ. Олохтоохтор кыһалҕалара быһаарыллан – биир сыл иһигэр муосталара тутуллан, үөрүүлэрэ муҥура суох. Онон отчуоттуур бөлөх сарсын, олунньу 6 күнүгэр, саҥа тутуллубут бетон муостанан айаннаан тиийэн, Сордоҥноох нэһилиэгэр отчуоттуохтара. Бырабыыталыстыба дьон кыһалҕалаах боппуруоһун быһаарар отчуоттары ыытар үлэтин биир түмүгэ — Куйдуһун муостатын тутуута.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…