Муома улууһун дьаһалтатын телеграм-ханаалыттан
Уһун ардахтар түһэннэр уонна уу таһыма үрдээн, Өймөкөөн улууһугар тыа хаһаайыстыбатын эйгэтигэр балаһыанньа уустугурда.
От ыйын 16 күнүгэр 21.00 ч. туругунан — улуус дьаһалтатын тыа хаһаайыстыбатыгар управлениетын иһитиннэриитинэн, оройуоҥҥа тыа хаһаайыстыбатын туһалаах сирдэрэ барыта ууга барбыттар.
Улуус дьаһалтата нэһилиэктэр баһылыктарын уонна суһал сулууспа үлэһиттэрин кытта сүөһү ахсаанын аччаппат туһугар уонна хоромньуну аҕыйатарга туох баар наадалаах дьаһаллары ылаллар.
Элбэх нэһилиэнньэлээх пууннарга уу таһыма сыыйа намтыырын, сүөһү-ас куттала суох сиргэ баарын да иһин, быһыы-майгы тыҥааһыннаах.
Орто Балаҕаҥҥа, Томторго, Үчүгэйгэ, Төрүккэ сүөһү, сылгы үрдүк сиргэ тураллар, онно куттал суоһаабат.
Уус Ньара бөһүөлэгэр уу таһыма түһэр, куттал суох.
Өймөкөөн сэлиэнньэтигэр быһыы-майгы тыҥааһыннаах, уу кэлэ турар.
Улуустааҕы тыа хаһаайыстыбатын управлениетын эрдэтээҥҥи иһитиннэриитинэн, Алаас (Биэрэк Үрдэ), Булуустаах (Өймөкөөн с.), Райотдел (Хара Тумул) учаастактарыттан 500-тэн тахса сүөһүнү көһөрбүттэр.
Билигин ынах-сүөһү турар үрдүк учаастактарыгар уу таһыма үрдээн, киирэр кыах суох диэн иһитиннэрэр улуустааҕы тыа хаһаайыстыбатын управлениета. Уу таһыма түһэн бардаҕына, туруктарын туһунан эбии иһитиннэрии оҥоһуллуо.
СӨ Ил Дархана Айсен Николаев сорудаҕар олоҕуран, Бырабыыталыстыба Бэрэссэдээтэлин бастакы солбуйааччы Дмитрий Садовников сорудаҕынан, Өймөкөөн улууһугар ыытарга Дьокуускайдааҕы килиэп кэмбинээтэ килиэп астаан бэлэмниир. Бүгүн, от ыйын 17 күнүгэр, бастакы баартыйаны салгын аалынан ыытар былааннаахтар.
СӨ тыа хаһаайыстыбатын уонна ас-үөл бэлиитикэтин министиэристибэтэ Өймөкөөн оройуонугар балаһыанньаны ураты хонтуруолга тутар.
Улуус олохтоохторо уонна пиэрмэрдэрэ оройуоннааҕы ыксаллаах быһыы-майгы биллэриллибит кэмигэр тыа хаһаайыстыбатын чааһынан хоромньу боппуруостарынан, СӨ тыа хаһаайыстыбатын министиэристибэтин «Быһа лииньийэтигэр» бу нүөмэрдэргэ эрийиэхтэрин сөп: 8(4112)50-66-11, +7 914 270-88-14
СӨ тыа хаһаайыстыбатын уонна ас-үөл бэлиитикэтин министиэристибэтин пресс-сулууспата
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Владивостокка Уһук Илиннээҕи федеральнай университет кампуһугар саамай былыргы сэлии тобохторо угуллубут саркофагын аҕаллылар. Илиҥҥи экэнэмиичэскэй…
Сахабыт сирин агрооскуолалара сылын ахсын оҕуруот аһын арааһын олордоллор, оскуолаларын дьэрэкээн сибэккинэн симииллэр. Олортон биирдэстэринэн…
Саха сиригэр ааспыт сууккаҕа үс ойуур баһаарын умуруордулар. Уот хаппыт уопсай иэнэ 1 596 га. Бу…
Арассыыйаҕа балаҕан ыйын 1 күнүттэн суол быраабылаларыгар уларытыылар олоххо киириэхтэрэ, оҕо кириэһилэтигэр ирдэбил кытаатыаҕа. Быраабы…
Ый бэлиэтэ -- Суор ойуута. Суор -- ытык көтөр. Итэҕэл үөрэҕинэн, бу ыйга сиргэ Улуу…