Хаартыска: sakha.gov.ru
Бүгүн Өймөкөөн улууһугар Томторго кэтэһиилээх «Тымныы полюһа — 2025» бэстибээл саҕаланна. Тэрээһин түһүлгэтигэр өрөспүүбүлүкэттэн уонна дойду атын эрэгийиэннэриттэн сүүһүнэн киһи түмүстэ.
Үөрүүлээх тэрээһин былааҕы күөрэччи көтөҕүүттэн саҕаланна. Манна Өймөкөөн улууһун баһылыга Александр Оконешников, СӨ урбааҥҥа, эргиэҥҥэ уонна туризмҥа миниистири солбуйааччы Мария Карпова, Саха сиригэр туризмы сайыннарыы Ааҕыныстыбатын генеральнай дириэктэрэ Спиридон Сивцев кыттыыны ыллылар.
Долгутуулаах уонна биир ураты түгэнинэн тымныы бэлиэтин туттарыы буолла. Быйыл Арассыыйа Тымныы Оҕонньорун көрдөһүүтүнэн, Кыһын Хотун Үрүҥ Үллүктэй Чысхааҥҥа тымныы бэлиэтин аныгыскы кыһыҥҥа диэри уурарыгар көрдөһөн туттарда. Түһүлгэҕэ мустубут дьон-сэргэ оһуохайы оройуттан туттулар.
Тэрийээччилэр иһитиннэрбиттэринэн, олус сэргэх, үчүгэй тэрээһин буолла. Ыалдьыттары салгыы Чысхаан оонньуулара, «Хоту дойду хаһаайката» кэрэ уонна талааннаах буолуу куонкуруһа, араас күрэхтэһиилэр күүтэллэр.
СӨ Ил Дарханын уонна Бырабыыталыстыбатын пресс-сулууспата
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…