Хаартыска: Семен Сивцев-Өймөкөөн Сэмэнэ.
Кулун тутар 28-30 күннэригэр Өймөкөөҥҥө «Тымныы полюһугар айан — 2025» бэстибээл ыытыллыаҕа. Бу туһунан СӨ Урбааҥҥа, эргиэҥҥэ уонна туризм сайдыытын министиэристибэтэ иһитиннэрэр.
Тымныы полюһун киинигэр — Өймөкөөҥҥө, Томторго, Сордоҥнооххо ыалдьыттар хотугу сир кыһыҥҥы эйгэтигэр угуйуллуохтара, төрүт омуктар култуураларын уонна экстремальнай усулуобуйаларын кытта билсиэхтэрэ. Ол биир сүрүн түгэнинэн Чысхаан Өймөкөөн улууһугар төннүүтүн сиэрэ-туома буолуоҕа.
Ыалдьыттар Чысхаан оонньууларын, хамаанданан күрэхтэһиилэри, ону сэргэ «Хоту дойду хаһаайката» куонкуруһу көрүөхтэрин сөп. Көхтөөх сынньалаҥы таптааччылар Эбэ Хайатыгар сүүрүүгэ, ону тэҥэ снегоходунан күрэхтэһиигэ бэйэлэрин күүстэрин боруобалыахтара. Оҕолорго аралдьытар бырагыраама бэлэмнэннэ, оттон баҕалаахтар табанан, снегоходунан хатааһылыахтара. Бэстибээл гастрономическай чааһыгар эбээн уонна саха норуоттарын бүлүүдэтин амсайыахтара, оттон саамай хорсуннар кыһыннары тоҥмот үрэххэ сөтүөлүөхтэрэ. Бэстибээли СӨ Урбааҥҥа, эргиэҥҥэ уонна туризм сайдыытын министиэристибэтин өйөбүлүнэн Өймөкөөн дьаһалтата тэрийэр.
81 сыл буолан баран, эһээтин уҥуоҕун булбут байыас Валерий Петровка байыаннай сулууспа диэн тус…
Бүгүн субуота, сынньалаҥ үтүө күнэ. Ыксаабакка, сүүрбэккэ-көппөккө, дуоһуйа сынньаныҥ. Чугас дьоҥҥут аттыгар буолуҥ, сүрэххит этэрин…
Бу күннэргэ күн-дьыл туруга хайдаҕый? Соҕуруулуу-арҕаа, илин улуустарга, Халымаҕа, Өймөкөөҥҥө кыра хаардаах буолара күүтүллэр. Арктика…
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…