Өймөкөөҥҥө ыттан эмсэҕэлээбит дьахтар бырааба көмүскэннэ

Өймөкөөн улууһун борокуратуурата хаһаайына суох ыттан эмсэҕэлээбит киһи быраабын көмүскээтэ.

Уус Ньара олохтооҕо биир күн халтарыйан охтон атаҕын тоһутан, улуустааҕы балыыһаҕа көрдөрбүт. Кинини сүүрэн иһэр бэйдиэ ыт охторбута быһаарыллыбыт. Улуустааҕы борокуратуура, эмсэҕэлээччи дьахтар интэриэһин көмүскээн, «Уус Ньара бөһүөлэгэ» муниципальнай тэриллии дьаһалтатыттан 100 000 солкуобай суумалаах моральнай хоромньуну толуйуу туһунан суукка ирдэбил түһэрбит. Сайабылыанньаны көрүү түмүгэр борокуруор ирдэбилэ туолар буолла.

Суут быһаарыыта сокуоннай күүһүгэр киирэ илик, өрүттэр ааһыныахтарын сөп.