Хаартыска: Александр Оконешников тиксэриитэ.
Бу күннэргэ Өймөкөөн улууһун баһылыга Александр Оконешников салайааччылаах бөлөх байыаннай дьайыы зонатыгар тиийэн, биир дойдулаахтарын көрсө сылдьаллар.
— Улуус дэлэгээссийэтин састаабыгар Уус Ньараттан улуус мунньаҕын дьокутаата Владислав Житенев, Сордоҥноох нэһилиэгин баһылыга Альберт Вензель, Өймөкөөн нэһилиэгин баһылыгын солбуйааччы Павел Дягилев бааллар. Бу күннэргэ Луганскайынан, Курскайынан Мариупольга кэллибит. 20-тэн тахса Өймөкөөн улууһуттан төрүттээх ыччаты көрүстүбүт.
Улууспут хас биирдии нэһилиэгиттэн харчы, ас-үөл хомуйбуттара. Буойуттарбытыгар дойдуларын Өймөкөөн убаһатын, дьарҕаа балыгын анаан ыыһаан аҕалан түҥэттибит. Дойду аһа күндүтэ чахчы буоллаҕа. Түгэнинэн туһанан, ыччаттарбытыгар тирэх буолбут биир дойдулаахтарбытыгар истиҥ махталбытын тиэрдэбит, — диэн улуус баһылыга Александр Оконешников махталын тиэртэ.
Сордоҥноох нэһилиэгин баһылыга Альберт Вензель Тымныы полюһуттан Өймөкөөнтөн сылдьар уолаттары сирэй көрсөн баран, санаатын маннык эттэ:
— Буойуттарбыт санаалара бөҕөх. Сорох уолаттарбыт бойобуой сорудахха сылдьар буолан, көрсүбэккэ хааллыбыт. Биллэн турар, санаа хоту 100% барыларын кытта көрсөр кыах суох эбит — араас төрүөт үгүс. Хата, сылдьыбыт куораттарбыт аайы Тирэх пууннар бааллар эбит. Кинилэргэ уолаттарбыт төлөпүөннэрин, дьонноро ыыппыт баһыылкаларын туттардыбыт. Тирэх пууҥҥа олорор уолаттар сибээстэһэн, тустаах аадырыстарга тиэрдэн биэрэллэр эбит. Сотору сорукпутун ситэн, айаммытын түмүктүөхпүт.
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэтигэр сылы түмүктүүр тэрээһин буолан ааста –…
Кэлиҥҥи сылларга киин куоракка уонна улуустарга уопсастыбаннай сирдэр тупсаҕай оҥоһуулаах буолбуттарын Ил Дархан бүгүҥҥү Ил…
Арассыыйаҕа “Оҕо сүрүн ырыалара” айар бырайыак күүскэ сайдар. Бэрэсидьиэн култуура көҕүлээһиннэригэр пуондатын өйөбүлүнэн Кыайыы мусуойа…
“Сахафильм” киинэ хампаанньа салайааччыта Алексей Егоров култуура, патриотизм туһунан санаатын үллэстэр: -Ил Дархан бүгүн Ил…